Άτσ̌απα γιατί;

Εγώ εσέν εγάπανα
[Ν’ αϊλί εμέν, να βάι εμέν]
κι εσύ εμέν ’κ’ εθέλ’νες
[Άτσ̌απα γιατί; Λελεύω σε!]
Εγώ εποίν’να παλαλά
[Ν’ αϊλί εμέν, να βάι εμέν]
κι εσύ σεΐρ’ ετέρ’νες
[Άτσ̌απα γιατί; Λελεύω σε!]

Εγώ αγαπώ σε -ν- κι έρχουμαι
[Ν’ αϊλί εμέν, να βάι εμέν]
κι εσύ παραμερί͜εις με -ν
[Άτσ̌απα γιατί; Λελεύω σε!]
Ντόσιλεον καρδίαν έ͜εις;
[Ν’ αϊλί εμέν, να βάι εμέν]
σίτι͜α γελώ, κλαινί͜εις με -ν
[Άτσ̌απα γιατί; Λελεύω σε!]

Εξέγκες το μαχ̌αιρόπο σ’,
[Ν’ αϊλί εμέν, να βάι εμέν]
εντώκες σην καρδία μ’
[Άτσ̌απα γιατί; Λελεύω σε!]
Τρανόν γεράν εποίκες με,
[Ν’ αϊλί εμέν, να βάι εμέν]
’κι λαρούται καμίαν
[Άτσ̌απα γιατί; Λελεύω σε!]