Προβολή Τραγουδιού
Καίγουμαι άμον τα δαδία |
Σεβντά, φωτία, μάισσαΣτιχουργοί: Γιώτης Γαβριηλίδης
Συνθέτες: Γιώτης Γαβριηλίδης
Καλλιτέχνες: Γιώργος Πουλαντσακλής, Γιώτης Γαβριηλίδης, Μελίνα Χατζηκαμάνου
Άμον τον ήλιον έλαμψες, φωτά͜εις άμον το άστρον Σην εγκάλια σ’ τραντάφυλλα, γουρπάν’ σο ψ̌όπο σ’ τ’ άσπρον Καίγουμαι άμον τα δαδία σο καμίν’ κι εβγάλλω βρούλαν Σεβνταλήδες, μερακλήδες, κρεμαλίουνταν ση γούλα μ’ Σεβνταλήδες, μερακλήδες, αχ! τυλίουνταν ση γούλα μ’ Πίντς το ρακόπον και μεθύ͜εις, περιπαί͜εις παλληκάρι͜α Τερείς, ψ̌η μ’, τίναν θα κομπώντς και κρού’ς ατον ισ̌μάρι͜α Καίγουμαι άμον τα δαδία σο καμίν’ κι εβγάλλω βρούλαν Σεβνταλήδες, μερακλήδες, κρεμαλίουνταν ση γούλα μ’ Σεβνταλήδες, μερακλήδες, αχ! τυλίγουνταν ση γούλα μ’ Σα τραπέζι͜α απάν’ χορεύ’ς και ζουλί͜εις το κορμόπο σ’ Γιοσμάδες φέρτς και σο νισ̌άν’, ευτάς το τσ̌αλιμόπο σ’ Καίγουμαι άμον τα δαδία σο καμίν’ κι εβγάλλω βρούλαν Σεβνταλήδες, μερακλήδες, κρεμαλίουνταν ση γούλα μ’ Σεβνταλήδες, μερακλήδες, αχ! τυλίουνταν ση γούλα μ’ Έμορφα ομμάτι͜α γελαστά, τα χ̌ειλόπα σ’ τσιλίδι͜α Άψιμον τα τερέματα σ’ και αραεύ’ς παιχνίδι͜α Καίγουμαι άμον τα δαδία σο καμίν’ κι εβγάλλω βρούλαν Σεβνταλήδες, μερακλήδες, κρεμαλίουνταν ση γούλα μ’ Σεβνταλήδες, μερακλήδες, αχ! τυλίουνταν ση γούλα μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| απάν’ | πάνω | ||
| αραεύ’ς | ψάχνεις, αναζητάς, γυρεύεις | aramak | |
| άψιμον | φωτιά | ||
| βρούλαν | φλόγα | brûler | |
| γιοσμάδες | κομψοί, λεβέντες νέοι | yosma | |
| γούλα | λαιμός | gula | |
| γουρπάν’ | θυσία | kurban/ḳurbān | |
| δαδία | δάδες | ||
| εβγάλλω | βγάζω | ||
| εγκάλια | αγκαλιά | ||
| έμορφα | όμορφα | ||
| ευτάς | κάνεις, φτιάχνεις | εὐθειάζω | |
| ζουλί͜εις | ζουλάς | ||
| ισ̌μάρι͜α | νεύματα, νοήματα | işmar/նշմար | |
| καίγουμαι | καίομαι | ||
| καμίν’ | καμίνι | ||
| κομπώντς | εξαπατάς, ξεγελάς, μτφ. σαγηνεύεις | κομβόω | |
| κορμόπο | κορμάκι | ||
| κρεμαλίουνταν | κρεμιούνται | ||
| κρού’ς | χτυπάς | κρούω | |
| μεθύ͜εις | μεθάς | ||
| νισ̌άν’ | σημάδι, στόχος, αρραβώνας | nişan/nişān | |
| ομμάτι͜α | μάτια | ||
| περιπαί͜εις | περιπαίζεις | ||
| πίντς | πίνεις | ||
| ρακόπον | (υποκορ.) αλκοολούχο ποτό που παράγεται από τη ζύμωση φρούτων ή στεμφύλων φρούτων | rakı/ˁaraḳī + -όπον | |
| σεβνταλήδες | ερωτοχτυπημένοι, ερωτευμένοι | sevdalı | |
| τερείς | κοιτάς | ||
| τερέματα | βλέμματα | ||
| τίναν | ποιον/α | ||
| τραντάφυλλα | τριαντάφυλλα | ||
| τσ̌αλιμόπο | (υποκορ.) επιδέξια κίνηση (σε χορό κ.ά.), σκέρτσο, κάμωμα | çalım + -όπον | |
| τσιλίδι͜α | πυρωμένα κάρβουνα εστίας | ||
| τυλίγουνταν | τυλίγονται | ||
| τυλίουνταν | τυλίγονται | ||
| φέρτς | φέρεις, φέρνεις | ||
| φωτά͜εις | φωτίζεις, λάμπεις | ||
| χ̌ειλόπα | χειλάκια | ||
| χορεύ’ς | χορεύεις | ||
| ψ̌η | ψυχή | ||
| ψ̌όπο | ψυχούλα |
