Προβολή Τραγουδιού
Φωταχτερόπο μ’ |
Σεβντά, φωτία, μάισσαΣτιχουργοί: Γιώτης Γαβριηλίδης
Συνθέτες: Γιώτης Γαβριηλίδης
Καλλιτέχνες: Γιώργος Πουλαντσακλής, Γιώτης Γαβριηλίδης
Πουλί μ’, είσαι παντέμορφον, τα κάλλι͜α σ’ ζελεμένα [ποδεδίζω σε!] Τ’ οφρύδι͜α σ’ και τα χ̌ειλόπα σ’ είναι ζωγραφισμένα [φωταχτερόπο μ’!] Είσαι ανοιξεζ’νόν πουλίν ντο φέρ’ το καλοκαίριν [να λελεύω σε!/ποδεδίζω σε -ν]! Τη ψ̌η μ’ γομώντς τσ̌ιτσ̌ι͜ακόπα, τ’ εμόν είσαι το ταίρι μ’ [να λελεύω σε/ποδεδίζω σε -ν] Ελάρωσες αλάρωτον γεράν ντο είχα απέσ’ σην καρδία μ’ [ποδεδίζω σε -ν!/να λελεύω σε!] Σεβντάν κι εγάπ’ εγόμωσες την ψ̌η μ’ ση μαναχ̌ίαν [να λελεύω σε!/φωταχτερόπο μ’!] Σο χ̌ερόπο σ’ θα βάλω δαχτυλίδ’, εσέν θα στεφανούμε [να λελεύω σε!/ποδεδίζω σε -ν!] Ο εις τον άλλον θα τερεί, εντάμαν θα γερούμε [να λελεύω σε!/φωταχτερόπο μ’!]
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αλάρωτον | αθεράπευτο, ανίατο | ||
| ανοιξεζ’νόν | ανοιξιάτικο | ||
| απέσ’ | μέσα | ||
| γεράν | πληγή, τραύμα | yara | |
| γερούμε | γερνάμε | ||
| γομώντς | γεμίζεις | ||
| εγάπ’ | αγάπη | ||
| εγόμωσες | γέμισες | ||
| ελάρωσες | γιάτρεψες, θεράπευσες | ||
| εμόν | δικός/ή/ό μου | ἐμοῦ | |
| εντάμαν | μαζί | ||
| ζελεμένα | αξιοζήλευτα | ||
| κάλλι͜α | κάλλη | ||
| λελεύω | χαίρομαι | ||
| μαναχ̌ίαν | μοναξιά | ||
| οφρύδι͜α | φρύδια | ||
| παντέμορφον | πανέμορφο/η | ||
| ποδεδίζω | (ενεργ. και μέση) χαίρομαι, απολαμβάνω, προσκυνώ | από+δέδιν (<δείδω=φοβάμαι, ανησυχώ) | |
| ποδεδίζω σε | να σε χαρώ | από+δέδιν (<δείδω=φοβάμαι, ανησυχώ) | |
| σεβντάν | αγάπη, έρωτα | sevda/sevdā | |
| τερεί | κοιτάει | ||
| τσ̌ιτσ̌ι͜ακόπα | λουλουδάκια | çiçek | |
| φέρ’ | φέρνω/ει | ||
| χ̌ειλόπα | χειλάκια | ||
| χ̌ερόπο | χεράκι | ||
| ψ̌η | ψυχή |
