Μωμόερος θα ’ίνουμαι

Προβολή Τραγουδιού

Καλλιτέχνες: Γιώργος Σιαμίδης, Παναγιώτης Θεοδωρίδης

Τα μωμοέρι͜α εξέβανε,
τα Φώτα, τ’ Αγιαννί’
Ατείν’ χωρία λάσκουνταν
αρ’ άμον παλαλοί

Μωμόερος θα ’ίνουμαι
και με τα κωδωνόπα
θα λάσκουμαι μεσανυχτί’
και γνεφίζω κορτσόπα

Μωμόερος θα ’ίνουμαι,
πάντα πασ̌κείμ’ θα είμαι;
Θα έρχουμαι θα παίρω σε,
αρ’ μετ’ εσέν θα κείμαι

Ανάθεμά σε, νε κουτσ̌ή,
πώς είσαι πελιαλίσσα!
Μετ’ εμέν τον μωμόερον
εξέβες σεβνταλίσσα

Γλωσσάρι

Κείμενο	Επεξήγηση	Ετυμ. Ρίζα
Αγιαννί’	Αγιαννιού
άμον	σαν, όπως, καθώς	ἅμα
ατείν’	αυτοί
γνεφίζω	ξυπνώ
εξέβανε	βγήκαν
εξέβες	βγήκες
έρχουμαι	έρχομαι
’ίνουμαι	γίνομαι
κείμαι	κείτομαι, ξαπλώνω
κορτσόπα	κοριτσάκια
κουτσ̌ή	κόρη
κωδωνόπα	κουδουνάκια
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
λάσκουνταν	περιφέρονται, τριγυρίζουν, περιπλανώνται	ἀλάομαι/ηλάσκω
μεσανυχτί’	την ώρα του μεσονυχτίου
μετ’	μαζί με (με αιτιατική), με (τρόπος)
μωμοέρι͜α	(γνωστό και ως μωμόγεροι ή μωμόεροι) λαϊκό δρώμενο το οποίο λαμβάνει χώρα το 12ήμερο Χριστούγεννα - Πρωτοχρονιά - Θεοφάνια με ευχετηριακό χαρακτήρα	μῶμος + γέρων ή εκ του μαμουγέρα (μάσκα, προσωπίδα)<λατ. Mamuralia<Mamurius
μωμόερον	μωμόγερο, βλ. μωμοέρι͜α
μωμόερος	(ή μωμόγερος) αυτός που συμμετέχει στα μωμοέρια, λαϊκό δρώμενο το οποίο λαμβάνει χώρα το 12ήμερο Χριστούγεννα - Πρωτοχρονιά - Θεοφάνια με ευχετηριακό χαρακτήρα	μῶμος + γέρων ή εκ του μαμουγέρα (μάσκα, προσωπίδα)<λατ. Mamuralia<Mamurius
παίρω	παίρνω
παλαλοί	τρελοί
πασ̌κείμ’	μήπως, μήπως (και)	πᾶς καί ἔνι
πελιαλίσσα	που προκαλεί μπελάδες, προβληματική	belalı
σεβνταλίσσα	ερωτευμένη, ερωτοχτυπημένη	sevdalı
χωρία	χωριά