Εφύσεσεν αγράνεμος

Προβολή Τραγουδιού

Καλλιτέχνες: Γιώργος Σιαμίδης, Κώστας Σιαμίδης, Παναγιώτης Θεοδωρίδης

Εντώκα τον ανέφορον,
εξέβα απάν’ σ’ ομάλιν
Παντέμορφον ετσ̌άτεψα,
ν’ αηλί τ’ εμόν το χάλιν

Εφύσεσεν αγράνεμος
και -ν- έσ’κωσεν τα τόζι͜α
Γουρπάν’ εγώ να ’ίνουμαι
σ’ ομματόπα σ’ τα πόζι͜α

Πρωτάνοιξη καιρός έτον,
πουλί μ’, έρθα σ’ εσά -ι
Και ντ’ έμορφα χ̌ι͜ονόβρεχ̌εν
ο Θεόν οξ̌ωκά -ι!

Κρύον νερόν, κρύον νερόν,
κρύον ’κι ποτισκάται
Άμον εσέναν έμορφον
σον κόσμον ’κ’ ευρισκάται

Γλωσσάρι

Κείμενο	Επεξήγηση	Ετυμ. Ρίζα
αγράνεμος	άγριος άνεμος
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
άμον	σαν, όπως, καθώς	ἅμα
ανέφορον	ανήφορο
απάν’	πάνω
γουρπάν’	θυσία	kurban/ḳurbān
εμόν	δικός/ή/ό μου	ἐμοῦ
έμορφα	όμορφα
έμορφον	όμορφο
εντώκα	χτύπησα
εξέβα	βγήκα, ανέβηκα, μτφ. προέκυψα
έρθα	ήρθα
εσά	δικά σου/σας
έσ’κωσεν	σήκωσε
έτον	ήταν
ετσ̌άτεψα	συνάντησα (τυχαία), πέτυχα	çatmak
ευρισκάται	βρίσκεται
εφύσεσεν	φύσηξε
’ίνουμαι	γίνομαι
’κ’	δεν	οὐκί<οὐχί
’κι	δεν	οὐκί<οὐχί
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ομάλιν	ομαλός, ίσιος δρόμος
ομματόπα	ματάκια
οξ̌ωκά	έξω
παντέμορφον	πανέμορφο/η
πόζι͜α	γκρίζα, σταχτιά	boz
ποτισκάται	πίνεται
τόζι͜α	σκόνες	toz