Προβολή Τραγουδιού
Η βάπτιση |

Στιχουργοί: Γιώργος Κεμανετζίδης
Συνθέτες: Μπάμπης Κεμανετζίδης
Καλλιτέχνες: Γιώργος Ατματσίδης, Μπάμπης Κεμανετζίδης, Στάθης Νικολαΐδης
Αγγέλ’ ψάλλ’νε ψαλμωδίαν, το μωρόν εβγάλ’ λαλίαν Προσ̌κυνούν την εκκλησίαν σα χ̌έρι͜α κρατούν κερία Ο πόπας δεβάζ’ α̤το, σην κολυμβήθραν βάλει͜ ατο Με το λαδ’ σταυρώνει͜ ατο, Χριστιανόν ευτάει͜ ατο Πάντα άξια, κουμπάρα! μωρόν κρατείς και λαμπάδα Τα χ̌έρι͜α σ’ ελάδωσες, το μωρόν εβάπτισες Ευχ̌ία δίν’ ατο πολλά, να τρανύν’, να ζει καλά Ορθόδοξος χριστιανός να ’ίνεται σοφός, τρανός Ο πάππον κι η καλομάνα, ο πατέραν και η μάνα χ̌αίρουνταν και τραγωδούνε, τρώνε, πίν’νε και γλεντούνε τ’ όνομαν ατ’ τραγωδούνε, τρώνε, πίν’νε και γλεντούνε
Κείμενο | Επεξήγηση | Ετυμ. Ρίζα | Προέλευση |
---|---|---|---|
αγγέλ’ | (ονομ. πληθ.) άγγελοι, (γεν.) αγγέλου | ||
δεβάζ’ | διαβάζει, περνάει, πηγαίνει κπ/κτ κάπου | ||
εβγάλ’ | βγάλει | ||
ευτάει | κάνει, φτιάχνει | εὐθειάζω | |
ευχ̌ία | ευχές | ||
’ίνεται | γίνεται | ||
καλομάνα | γιαγιά | ||
κερία | κεριά | κηρός | |
λαλίαν | λαλιά, φωνή | ||
πάππον | παππούς | ||
πίν’νε | πίνουν | ||
πολλά | (επίθ.) πολλά, (επίρρ.) πολύ | ||
τραγωδούνε | τραγουδάνε | ||
τρανύν’ | μεγαλώνω/ει, αναθρέφω/ει | τρανόω-ῶ | |
χ̌αίρουνταν | χαίρονται | ||
ψάλλ’νε | ψάλλουν |