Οι ξεριζωμέν’

Προβολή Τραγουδιού

Καλλιτέχνες: Γιώργος Πιπερίδης, Θόδωρος Παυλίδης, Κώστας Πιπερίδης, Μπάμπης Κεμανετζίδης, Στάθης Τσαρχατζίδης, Φάνης Κουρουκλίδης, Χορωδία, Χρήστος Παπαδόπουλος

Ξεριζωμέν’, ξεσπιτωμέν’,
φορτωμέν’ τα ποχτσ̌άδας
[Βάι! ν’ αηλί εμάς!]
Σην ψ̌ην εμουν ενοίγανε
αγιάτρευτα γεράδας
[Βάι! ν’ αηλί εμάς!]

Η Μαύρη Θάλασσα ελέπ’
τα ορφανά με δάκρυ͜α
[Βάι! ν’ αηλί εμάς!]
Ξεσπάει και κρούει τα κύματα
σ’ όλι͜α τα θαλασσάκρι͜α
[Βάι! ν’ αηλί εμάς!]

Ταραμονή και βάιναση,
ταγουτεμέν’ σα χρόνι͜α
[Βάι! ν’ αηλί εμάς!]
Με τα δάκρυ͜α τ’ εμέτερα
λύουν όλι͜α τα χ̌ι͜όνι͜α
[Βάι! ν’ αηλί εμάς!]

Νε καπιτάνε, σο τιρέκ’
άσπρα πανία σ’κώσον
[Να λελεύω σε!]
και σο Αιγαίον το καράβ’,
λελεύω σε, για κλώσον!
[Να λελεύω σε!]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
βάιναση	βουητό, θόρυβος, κραυγή
γεράδας	πληγές, τραύματα	yara
ελέπ’	βλέπει/βλέπω
εμέτερα	δικά μου/μας	ἡμέτερος
εμουν	μας
ενοίγανε	άνοιξαν
θαλασσάκρι͜α	οι ακροθαλασσιές, τα ακρογιάλια
καπιτάνε	καπετάνιε
κλώσον	(προστ.) γύρισε, στρέψε
κρούει	χτυπάει	κρούω
λελεύω	χαίρομαι
λύουν	λιώνουν
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ξεριζωμέν’	ξεριζωμένοι
ποχτσ̌άδας	δεμάτια από μεγάλο ύφασμα που διπλώνεται στις τέσσερις γωνίες	bohça
σ’κώσον	(προστ.) σήκωσε
ταγουτεμέν’	σκορπισμένοι, διασκορπισμένοι	dağıtmak
ταραμονή	ταραχή
τιρέκ’	κατάρτι	direk
φορτωμέν’	φορτωμένοι
ψ̌ην	ψυχή