Προβολή Τραγουδιού
Άτσ̌απα γιατί; (Η μάνα ’κι πρέπ’ να ελέπ’) |
Χαψία/Άτσ̌απα γιατί;Στιχουργοί: Παραδοσιακό
Συνθέτες: Παραδοσιακό
Καλλιτέχνες: Γιωργούλης Κουγιουμτζίδης, Χρύσανθος Θεοδωρίδης
Η μάνα ’κι πρέπ’ να ελέπ’ [Ν’ αηλί εμέν! Λελεύω σε!] τον πόνον τη παιδί’ ατ’ς [Άτσ̌απα γιατί; Λελεύω σε!] Γιατί ους να τρανύνει͜ ατο [Ν’ αηλί εμέν! Λελεύω σε!] λύεται η καρδία τ’ς [Άτσ̌απα γιατί; Λελεύω σε!] Η μάνα που έχ̌’ ορφανά [Ν’ αηλί εμέν! Λελεύω σε!] και ζουν χωρίς πατέραν [Άτσ̌απα γιατί; Λελεύω σε!] ούτε και σα γεράτεια τ’ς [Ν’ αηλί εμέν! Λελεύω σε!] ελέπ’ καλόν ημέραν [Άτσ̌απα γιατί; Λελεύω σε!] Η μάνα τυρα̤ννίεται [Ν’ αηλί εμέν! Λελεύω σε!] να τρανύν’ τα παιδία τ’ς [Άτσ̌απα γιατί; Λελεύω σε!] Κι ατά͜ αφήν’ ατεν έρημον [Ν’ αηλί εμέν! Λελεύω σε!] σα στράτας, σα γιαζία [Άτσ̌απα γιατί; Λελεύω σε!]
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αηλί | αλίμονο | ἀ- + μεσαιωνική ελληνική ἠλί < εβραϊκά אל (θεός) | |
| ατεν | αυτήν | ||
| ατ’ς | αυτής, της | ||
| άτσ̌απα | άραγε, αναρωτιέμαι | acaba/ʿacebā | |
| αφήν’ | αφήνει | ||
| γεράτεια | γηρατειά | ||
| γιαζία | πεδιάδες, εξοχή, ύπαιθρος | yazı | |
| ελέπ’ | βλέπει/βλέπω | ||
| έχ̌’ | έχει | ||
| ’κι | δεν | οὐκί<οὐχί | |
| λελεύω | χαίρομαι | ||
| λύεται | λιώνει | ||
| ν’ αηλί | αλίμονο | μεσαιων. ελλ. ἀλί<ἀ- + ἠλί (εβραϊκά אל)= θεός | |
| ους | ως, μέχρι | ||
| παιδί’ | παιδιού | ||
| παιδία | παιδιά | ||
| πρέπ’ | ταιριάζει/ω | ||
| στράτας | (ονομ.) δρόμοι, (αιτ.) δρόμους | ||
| τρανύν’ | μεγαλώνω/ει, αναθρέφω/ει | τρανόω-ῶ | |
| τρανύνει | μεγαλώνει, αναθρέφει | τρανόω-ῶ | |
| τυρα̤ννίεται | τυραννιέται, ταλαιπωριέται |
