Θάψτε με με τον φέγγον

Προβολή Τραγουδιού

Τσακαλίδης 1981

Αν αποθάνω θάψον με,
πουλόπο μ’, με τον φέγγον
’Μάραντα και τραντάφυλλα
σο κιφαλόπο μ’ θέκον

Αν αποθάνω θάψον με
απέσ’ σα μανουσ̌άκια
Όντες ξεραίνεται το ταφί μ’
σύρον απάν’ τσ̌ιτσ̌έκια

Τα τσ̌ιτσ̌εκόπα ντο θα σύρτς,
αρνόπο μ’, αν φυτρών’νε
Θα σκουντουλίζ’νε και το τέρτ’
τ’ εσόν αρ’ θα λαρών’νε

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
αποθάνω	πεθαίνω
αρνόπο	αρνάκι, χαϊδευτική προσφώνηση γυναίκας
εσόν	δικός/ή/ό σου
θάψον	(προστ.) θάψε
θέκον	(προστ.) θέσε, τοποθέτησε, βάλε
κιφαλόπο	κεφαλάκι
λαρών’νε	γιατρεύουν, θεραπεύουν
μανουσ̌άκια	μενεξέδες/βιολέτες	մանուշակ (manušak)<manafšak
’μάραντα	(επιστ. Helichrysum stoechas) τα αγριολούλουδα ελίχρυσος ο πολύτιμος
όντες	όταν
πουλόπο	πουλάκι
σκουντουλίζ’νε	ευωδιάζουν, μοσχοβολούν
σύρον	(προστ.) σύρε, τράβα, ρίξε
σύρτς	σέρνεις, τραβάς, ρίχνεις
ταφί	τάφο
τέρτ’	καημός, βάσανο, (ονομ.) στενοχώρια	dert
τραντάφυλλα	τριαντάφυλλα
τσ̌ιτσ̌έκια	λουλούδια	çiçek
τσ̌ιτσ̌εκόπα	λουλουδάκια	çiçek
φέγγον	φεγγάρι
φυτρών’νε	φυτρώνουν