Προβολή Τραγουδιού
Πουλόπο μ’, με το τέρεμα σ’
Τραγούδια από όλη την Ελλάδα με τον Κωστίκα Τσακαλίδη και ΓιούληΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Κωστίκας Τσακαλίδης
Πουλόπο μ’, με το τέρεμα σ’ χαράζ’νε τα ραχ̌ία Ο φέγγον πάει κι απιδι͜αβαίν’, [αμάν-αμάν] ξημερών’ κρύα-κρύα Πουλόπο μ’, με το τέρεμα σ’ τ’ αχάντι͜α ημερεύ’νε Όντας τερούν τον άνθρωπον, [αμάν-αμάν] το καρδόπον ατ’ καίγ’νε Πουλόπο μ’, με το τέρεμα σ’ τα τσ̌ιτσ̌έκια -ν- ανθίζ’νε Τ’ αμάραντα μοσχοβολούν, [αμάν-αμάν] το καρδόπο μ’ κλαινίζ’νε Πουλόπο μ’, με το τέρεμα σ’ κελαηδούν τα πουλία Χαράζ’ και -ν-η ανατολή [αμάν-αμάν] απαγκέσ’ σα ραχ̌ία
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αμάραντα | (επιστ. Helichrysum stoechas) τα αγριολούλουδα ελίχρυσος ο πολύτιμος | ||
| ανθίζ’νε | ανθίζουν | ||
| απαγκέσ’ | πάνω εκεί πέρα | ||
| απιδι͜αβαίν’ | φεύγω/ει, αφήνω/ει πίσω, προσπερνώ/ά, ξεπερνώ/ά | από + διαβαίνω | |
| αχάντι͜α | αγκάθια | ||
| καίγ’νε | καίνε | ||
| καρδόπο | καρδούλα | ||
| κλαινίζ’νε | στενοχωρούν, κάνουν κάποιον να κλάψει | ||
| όντας | όταν | ||
| πουλόπο | πουλάκι | ||
| ραχ̌ία | ράχες, βουνά | ||
| τέρεμα | βλέμμα | ||
| τερούν | κοιτούν | ||
| τσ̌ιτσ̌έκια | λουλούδια | çiçek | |
| φέγγον | φεγγάρι | ||
| χαράζ’νε | χαράζουν |