Η Ρωμανία επάρθεν

Προβολή Τραγουδιού

Καλλιτέχνες: Γιωργούλης Λαφαζανίδης, Μιχάλης Καλιοντζίδης

Ν’ αηλί εμάς, να βάι εμάς,
οι Τούρκ’ την Πόλ’ επέραν
Επέραν το βασιλοσκάμ’,
ελλάεν αφεντία

Μοιρολογούν τα εκκλησιάς,
κλαίγ’νε τα μοναστήρι͜α
Κι Αγιάννες ο Χρυσόστομον
κλαίει, δερνοκοπισκάται

Μην κλαις, μην κλαις, Αγιάννε μου,
και μη δερνοκοπάσαι
Η Ρωμανία επέρασεν,
η Ρωμανία επάρθεν
Η Ρωμανία͜ αν ’πέρασεν,
ανθεί και φέρει κι άλλο!

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
αφεντία	διακυβέρνηση
βασιλοσκάμ’	θρόνος
δερνοκοπάσαι	δερνοκοπιέσαι
δερνοκοπισκάται	δερνοκοπιέται
ελλάεν	άλλαξε
επάρθεν	πάρθηκε, αλώθηκε
επέραν	πήραν
κλαίγ’νε	κλαίνε
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
Τούρκ’	Τούρκοι

https://bit.ly/rwmania