Ποντιακός Στίχος

Προβολή Τραγουδιού

Κορτσόπον, λάλ’ με

Κορτσόπον λάλ’ με/Τ’ Ευκλείδη τα τραγωδίαςΚορτσόπον λάλ’ με/Τ’ Ευκλείδη τα τραγωδίας

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Αντιγόνη Καγκελίδου, Παντελής Σεβαστίδης


Τα ραχ̌ιόπα χ̌ιονίουνταν,
[Κορτσόπον, λάλ’ με!]
κλώσκουνταν λιμενεύ’νε
[Λάλ’ με κι ας λαλώ σε!]
Τ’ εμόν η καρδι͜ά και τ’ εσόν
[Κορτσόπον, λάλ’ με!]
πότε θα τουρουλεύ’νε;
[Λάλ’ με κι ας λαλώ σε!]

’Μώ σε θεία! ’Μώ σε!
’Μώ σε! Παλαλός έν’!
Σ’ έναν βούραν λεφτοκάρυ͜α
λέει με «έλα ας φιλώ σε»

Εσύ είσαι κρύον νερόν,
[Κορτσόπον, λάλ’ με!]
νασάν τον διψασμένον!
[Λάλ’ με κι ας λαλώ σε!]
Νασάν που κείται μετ’ εσέν
[Κορτσόπον, λάλ’ με!]
και σ’κούται νυσταγμένον
[Λάλ’ με κι ας λαλώ σε!]

’Μώ σε θεία! ’Μώ σε!
’Μώ σε! Παλαλός έν’!
Σ’ έναν βούραν λεφτοκάρυ͜α
λέει με «έλα ας φιλώ σε»

Εσύ έμορφον κορτσόπον
[Κορτσόπον, λάλ’ με!]
κι εγώ παλληκαρόπον
[Λάλ’ με κι ας λαλώ σε!]
Ν’ αξίωνεν μας ο Θεόν
[Κορτσόπον, λάλ’ με!]
σ’ έναν μαξιλαρόπον
[Λάλ’ με κι ας λαλώ σε!]

’Μώ σε θεία! ’Μώ σε!
’Μώ σε! Παλαλός έν’!
Σ’ έναν βούραν λεφτοκάρυ͜α
λέει με «έλα ας φιλώ σε»
Γλωσσάρι
ΚείμενοΕπεξήγησηΕτυμ. ΡίζαΠροέλευση
βούρανχούφτα
εμόνδικός/ή/ό μου ἐμοῦ
έμορφονόμορφο
έν’είναι
εσόνδικός/ή/ό σου
κείταικείτεται, ξαπλώνει
κλώσκουντανγυρίζουν, επιστρέφουν
κορτσόπονκοριτσάκι
λάλ’βγάλε λαλιά, κάλεσε, αποκάλεσε, προσκάλεσε, οδήγησε (προστ.)
λαλώβγάζω λαλιά, καλώ, αποκαλώ, προσκαλώ, οδηγώ
λεφτοκάρυ͜αλεπτοκάρυα, φουντουκιές, φουντούκια λεπτο- + κάρυον
λιμενεύ’νεαποκαλύπτονται από τα χιόνια, ελλιμενίζονται
μετ’μαζί με (με αιτιατική), με (τρόπος)
’μώ(επιφ.) εκδήλωση έκπληξης, θαυμασμού ή δυσφορίας, βρε! σε καλό σου! γαμώ
νασάνχαρά σε
παλαλόςτρελός, ανόητος
παλληκαρόπονπαλληκαράκι
σ’κούταισηκώνεται
τουρουλεύ’νεχαλαρώνουν, γαληνεύουν, καταλαγιάζουν durulmak
χ̌ιονίουντανχιονίζονται

Ποντιακός Στίχος - Pontian Lyrics 2024

Τραγούδια: 7912 | Albums/Singles: 1163 | Συντελεστές: 1564 | Λήμματα: 13321
Επικοινωνία: infoDUMMY@pontianlyrics.gr