Προβολή Τραγουδιού

Άσπρα τσ̌ιτσ̌έκια ’κχ̌ύουνταν

Άσπρα τσ̌ιτσ̌έκια ’κχ̌ύουνταν
ας σην πορπατησία σ’
Να έμ’ του σπαρελί’ σ’ τ’ αστάρ’
κι εκείμ’ απέσ’ σα ψ̌ήα σ’

Ζωγράφος π’ εζωγράφιζεν
όλιον την εβδομάδαν
Σ’ εσέν καικά ετέλεσεν
όλιον την εμορφάδαν

Σα παρχάρι͜α μη λάσ̌κεσαι,
πουλί μ’, χωρίς εμέναν
Κι ας όλια τα νερά μη πίντς
κάποιον έχ̌’ εβδέλλαν

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αστάρ’	φόδρα, υπόστρωμα	astar/āster
εβδέλλαν	βδέλλα	βδάλλω
εκείμ’	κειτόμουν, ξάπλωνα
έμ’	ήμουν
εμορφάδαν	ομορφιά
ετέλεσεν	τελείωσε κτ
έχ̌’	έχει
καικά	προς τα κάτω, εκεί ακριβώς, κοντά
’κχ̌ύουνταν	χύνονται, περιχύνονται
λάσ̌κεσαι	περιφέρεσαι, τριγυρνάς, περιπλανιέσαι	ἀλάομαι/ηλάσκω
όλια	όλα
παρχάρι͜α	ορεινοί τόποι θερινής βοσκής
πίντς	πίνεις
πορπατησία	περπατησιά, περπάτημα
σπαρελί’	σπαρελιού (βλ.σπαρέλιν)
τσ̌ιτσ̌έκια	λουλούδια	çiçek
ψ̌ήα	ψυχές, η περιοχή του στέρνου, τα εσώψυχα