Αέτσ’ πως έν’, καλόν έν’

Προβολή Τραγουδιού

Αρνί μ’, σ’ εμόν το ταφόπο μ’
έλα το χρόνον μίαν
Έναν κερόπον άψον με,
ποίσον με συντροφίαν

Και με το κεμεντζ̌όπο μου
σον Άδ’ θα κατηβαίνω
Εκεί παραπονέματα
έναν βράδον ’κι μένω

Αέτσ’ πως έν’, καλόν έν’
Ψ̌η μ’, τ’ εγκαλόπο σ’ αλών’ έν’
Εφίλεσα το μάγουλο σ’
ας σ’ εμόν τρυφερόν έν’

Αν αποθάνω, γιαβρόπο μ’,
φόρ’ το μαύρον το τσ̌ίτι σ’
Ωρι͜άσον τυρα̤ννίεσαι
και πας κολλί͜εις τ’ οσπίτι σ’

Αν αποθάνω ξάι μη κλαις
και μη τρως την καρδία σ’
Κλάψον με ατώρα ζωντανόν
και σύρον/φτούλτσον τα μαλλία σ’

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
αλών’	αλώνι
αποθάνω	πεθαίνω
ας σ’	(ας σου) από του, από τότε που/αφότου, (ας σο) από το/τα
ατώρα	τώρα
άψον	(προστ.) άναψε
βράδον	βράδυ
γιαβρόπο	μωράκι, μικρούλι, παιδάκι	yavru + -όπον
εγκαλόπο	αγκαλιά, αγκαλίτσα
εμόν	δικός/ή/ό μου	ἐμοῦ
έν’	είναι
εφίλεσα	φίλησα
κατηβαίνω	κατεβαίνω
κεμεντζ̌όπο	(υποκορ.) λύρα	kemençe/kemānçe
κερόπον	κεράκι
’κι	δεν	οὐκί<οὐχί
κλάψον	(προστ.) κλάψε
κολλί͜εις	βάζεις φωτιά, καταστρέφεις, κολλάς, πήζεις το γάλα για να γίνει γιαούρτι/τυρί, (επί ανθρώπου) ονοματίζεις
μίαν	μια φορά
ξάι	καθόλου
οσπίτι	σπίτι	hospitium<hospes
παραπονέματα	παράπονα
ποίσον	(προστ.) κάνε, φτιάξε	ποιέω, ποιῶ
σύρον	(προστ.) σύρε, τράβα, ρίξε
ταφόπο	(υποκορ.) τάφος
τσ̌ίτι	μαντίλι κεφαλής	çit
τυρα̤ννίεσαι	τυραννιέσαι, ταλαιπωριέσαι
φόρ’	(προστ.) φόρεσε
φτούλτσον	(προστ.) μάδησε, ξεπουπούλισε
ψ̌η	ψυχή
ωρι͜άσον	(προστ.) πρόσεξε, φύλαξε, φυλάξου