Τ’ εμόν η καρδιά γεραλίν

Προβολή Τραγουδιού

Καλλιτέχνες: Νίκος Λαζαρίδης, Χρύσανθος Θεοδωρίδης

Τ’ εμόν η καρδι͜ά γεραλίν,
αν κλαίγω θα ματούται
Αν κλαίει και το σαρίν τ’ αρνί μ’
η γη θα φαρμακούται

Μάνα, γιατί εποίν’νες με
αΐκον πονεμένον;
Όλα τα καρδί͜ας χ̌αίρουνταν
τ’ εμόν πάντα κλαμένον

Έναν το χ̌έρι μ’ μαξιλάρ’
θήκω και ακουμπίζω
Τ’ άλλο θήκω σην καρδία μ’
και για τ’ εσέν νουνίζω

Έναν και μαναχόν είσαι,
εσύ πα να μη έσ’νε
Άψιμον έψ̌ες σην καρδι͜ά μ’,
γάλι͜α-γάλι͜α να καίεις με

Τ’ εμόν η καρδι͜ά γεραλίν
αν κλαίγω θα ματούται
Αν κλαίει και το σαρίν τ’ αρνί μ’
η γη θα φαρμακούται

Γλωσσάρι

Κείμενο	Επεξήγηση	Ετυμ. Ρίζα
αΐκον	τέτοιο/α
άψιμον	φωτιά
γάλι͜α	σιγά, αργά	αγαληνός < γαληνός
γάλι͜α-γάλι͜α	αγάλι-αγάλι, σιγά-σιγά, σταδιακά	αγάλι<αγαληνός <γαληνός
γεραλίν	πληγωμένο, τραυματισμένο	yaralı
εμόν	δικός/ή/ό μου	ἐμοῦ
εποίν’νες	έκανες, έφτιαχνες	ποιέω-ῶ
έσ’νε	ήσουν
έψ̌ες	άναψες
θήκω	θέτω, βάζω
καρδί͜ας	καρδιές
μαναχόν	μοναχός (έναρθρο), μοναχό, μόνο/μοναχά (επίρρ)
ματούται	ματώνει
νουνίζω	σκέφτομαι
πα	πάλι, επίσης, ακόμα
σαρίν	ξανθό, κίτρινο	sarı
φαρμακούται	φαρμακώνεται
χ̌αίρουνταν	χαίρονται