Προβολή Τραγουδιού

Ας σ’ όλιον προκομμέντσα

Καλλιτέχνες: Γιώργος Αμαραντίδης, Γιώργος Σιαπανίδης

Ας σ’ όλιον προκομμέντσα έν’
η νύφε τη Δευτέρας
Τη Τρίτ’ αρχινά και εμπαίν’
σα ρωθώνι͜α τ’ς αέρας

Τετράδ’ πρωί θα αρχινά
να παίρ’ τ’ απάν’ το μέρος
Την Πέφτ’ πιάνει͜ ατεν τ’ ινιάτ’,
Λέει «’κι πάγω σο θέρος»

Την Παρασκευήν το πρωίν
θα σύρ’ έξ’ την πογιάν ατ’ς
Και τη Σάββαν θα κλώσ̌κεται
απάν’ σην πεθεράν ατ’ς

Την Κερεκήν «ο πεθερό μ’»,
θα λέει «πολλά κακός έν’»
Θα πουσ̌μανεύ’ τα υστερνά
άμα πολλά αργώς έν’

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
αργώς	αργά
ατεν	αυτήν
εμπαίν’	μπαίνει
έν’	είναι
έξ’	έξω ή ο αριθμός έξι
ινιάτ’	γινάτι, πείσμα, πεισματάρη (αιτ.)	inat/ʿinād
Κερεκήν	Κυριακή
’κι	δεν	ουκί<οὐχί
κλώσ̌κεται	γυρίζει, επιστρέφει
νύφε	νύφη
Πέφτ’	Πέμπτη
πολλά	πολλά (επίθ.), πολύ (επίρ.)
πουσ̌μανεύ’	μετανιώνει	pişman olmak<paşmān
προκομμέντσα	προκομμένη
ρωθώνι͜α	ρουθούνια
Σάββαν	Σάββατο	Shabbat
σύρ’	σύρω/ει, τραβάω/ει, ρίχνω/ει
Τετράδ’	Τετάρτη
Τρίτ’	Τρίτη
υστερνά	κατοπινά, τελευταία