Ποντιακός Στίχος

Προβολή Τραγουδιού

Κατεβάστε τους στίχους σε PDF

Αναθεμά ντο έζησα

Πολλά είπανε για τ’ εμένΠολλά είπανε για τ’ εμέν

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιώργος Σοφιανίδης, Μιχάλης Καλιοντζίδης


Αναθεμά [και] ντο έζησα,
αναθεμά ντ’ εποίκα
Τα βάσανα και τη ζωής
θα έν’ τ’ εμόν η προίκα

[Και] Τιδέν καλόν ’κ’ εγνώρτσα εγώ
σ’ αούτο τη ζωήν-ι
Μόνον πόνια και βάσανα
κείνταν απέσ’ σην ψ̌η μ’ -ι

[Και] Θεέ μ’, τέρεν ντο έπαθα
Πέει με, πώς θα γλυτώνω;
Απέσ’ σα χ̌ι͜όνι͜α καίουμαι
και ση βρούλαν κρυώνω

[Και -ν-] Ορμάνι͜α ντ’ επορπάτεσα
ορμία κι αν ’κ’ εδέβα
Ατώρα έρθα κι εγέρασα
ασ’ όλια -ν- επιδέβα

Σπεντάμ’ ντ’ εσαριλάευες
και -ν- ερρούζ’ναν τα φύλλα σ’
Έρθαν κι επαρεδέβανε
του μοθοπώρ’ τα μήνας
Γλωσσάρι
ΚείμενοΕπεξήγησηΕτυμ. ΡίζαΠροέλευση
αούτοαυτό/ή
απέσ’μέσα
ασ’από
ατώρατώρα
βρούλανφλόγα brûler
εγέρασαγέρασα
εγνώρτσαγνώρισα
εδέβα(για τόπο) πέρασα, διέσχισα (για χρόνο) πέρασα διαβαίνω
εμόνδικός/ή/ό μου ἐμοῦ
έν’είναι
επαρεδέβανεπαραπέρασαν, ξεπεράστηκαν παρά + διαβαίνω
επιδέβαέφυγα, άφησα πίσω, προσπέρασα, ξεπέρασα
εποίκαέκανα, έφτιαξα ποιέω-ῶ
επορπάτεσαπερπάτησα
έρθαήρθα
έρθανήρθαν
ερρούζ’νανέπεφταν
εσαριλάευεςξάνθαινες, κιτρίνιζες (τα φύλλα) sarılaşmak
’κ’δεν οὐκί<οὐχί
καίουμαικαίγομαι
κείντανκείτονται, ξαπλώνουν
μοθοπώρ’φθινόπωρο
όλιαόλα
ορμάνι͜αδάση orman
ορμίαρυάκια, ρεματιές
πέει(προστ.) πες
πόνια(ονομ.) πόνοι, (αιτ.) πόνους
σπεντάμ’το δέντρο σφένδαμος ή σφεντάμι σφένδαμνος
τέρεν(προστ.) κοίταξε
τιδέντίποτα
ψ̌ηψυχή

Ποντιακός Στίχος - Pontian Lyrics 2025

Τραγούδια: 9577 | Albums/Singles: 1696 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr