Αρνόπο μ’, τα στομόχειλα σ’ αρ’ όντες καλατσεύ’νε

Προβολή Τραγουδιού

Καλλιτέχνες: Γιώργος Σοφιανίδης, Μιχάλης Καλιοντζίδης

Αρνόπο μ’, τα στομόχ̌ειλα σ’
αρ’ όντες καλατσ̌εύ’νε
Είκοσ’ νομάτ’ μοιρολογούν,
σεράντα νομάτ’ κλαίγ’νε

Αρ’ όλια τα πετούμενα
τ’ ουρανού τα πουλία
Εκάτσαν κι εζωγράφ’σανε
του ματί’ σ’ τα πλουμία

Εμέν μολύβ’ ’κι φοβερίζ’,
μαχ̌αίρ’ γεράν ’κι ανοί͜ει με
Εμέν σκοτών’ τ’ αρνόπο μου
ντο πάω και ’κι ανοί͜ει με

Γλωσσάρι

Κείμενο	Επεξήγηση	Ετυμ. Ρίζα
ανοί͜ει	ανοίγει
αρνόπο	αρνάκι, χαϊδευτική προσφώνηση γυναίκας
γεράν	πληγή, τραύμα	yara
εζωγράφ’σανε	ζωγράφισαν
εκάτσαν	κάθισαν
καλατσ̌εύ’νε	ομιλούν, συνομιλούν, συζητούν	keleci=καλός λόγος (Παλαιά Τουρκική Ανατολίας)
’κι	δεν	οὐκί<οὐχί
κλαίγ’νε	κλαίνε
ματί’	ματιού
μαχ̌αίρ’	μαχαίρι
νομάτ’	άνθρωποι, άτομα	ὀνόματοι
όλια	όλα
όντες	όταν
πλουμία	κεντητά ή ζωγραφιστά διακοσμητικά σχέδια, μτφ. στολίδιa	pluma
σεράντα	σαράντα
στομόχ̌ειλα	τα χείλια του στόματος

Προβολή Τραγουδιού

Αρνόπο μ’, τα στομόχ̌ειλα σ’ αρ’ όντες καλατσ̌εύ’νε