Γέρο, πού θα πας;

Προβολή Τραγουδιού

Καλλιτέχνες: Γιωργούλης Κουγιουμτζίδης, Κώστας Καραπαναγιωτίδης

-Γέρο, γέρο που θα πας;
Χωρίς γραία ντο θα ’φτας;
Τσί θα φάζ’ και θα ποτί͜ει σε;
Τσί θα πλύν’ και θα φορεί σε;

-Πάω σο γηροκομείον
για να ζω άλλο καλλίον
«Αναγέννηση» ντο λεν’
οι γερόντ’ σ’ ατό χουλέν

-Γέρο, γέρο πού θα πας;
Τη ζωή σ’ αν αγαπάς
πού θα πας και θα κονεύ’ς
για να μη ξενογυρεύ’ς;

-Γέρο, γέρο που θα πας;
Γέρασες και ντό θα ’φτας;
Τα παιδία ξάι ’κι ακούνε,
γεροντάδες ’κι τερούνε

-Γέρο, γέρο που θα πας;
Ευκαιρώθεν η κι͜ασι͜ά σ’
Αρ’ επέμ’νες μοναχός
κείσαι άμον ορφανός

-Πάω σο γηροκομείον
για να ζω άλλο καλλίον
«Αναγέννηση» ντο λέν’
οι γερόντ’ σ’ ατό χουλέν’

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
γραία	γριά
επέμ’νες	απόμεινες
ευκαιρώθεν	άδειασε
καλλίον	(επίθ.) καλύτερο, (επίρ.) καλύτερα
κείσαι	κείτεσαι, ξαπλώνεις
’κι	δεν	οὐκί<οὐχί
κι͜ασι͜ά	πουγκί, πορτοφόλι	kese
κονεύ’ς	εγκαθίστασαι, φωλιάζεις, προσγειώνεσαι	konmak
ξάι	καθόλου
παιδία	παιδιά
πλύν’	πλένω/ει
ποτί͜ει	ποτίζει, δίνει σε κπ να πιει
τερούνε	κοιτούν
τσί	(τις) ποιός;
φάζ’	ταΐζω/ει
’φτας	(ευτάς) κάνεις, φτιάχνεις	εὐθειάζω
χουλέν’	ζεσταίνει, θερμαίνει
χουλέν	ζεστό/η