Τα γεράματα

Προβολή Τραγουδιού

Καλλιτέχνες: Γιωργούλης Κουγιουμτζίδης, Κώστας Καραπαναγιωτίδης

[Και -ν-] Ο άνθρωπον όντες γερά
ασπρύν’νε τα μαλλία τ’
Ζαροκαμπουροφέρκεται
σουφρών’νε τα κατσία τ’

[Και] Γεράματα, γεράματα,
πόνι͜α, φορτούνας, κλάματα
Γεράματα, γεράματα
νέας ζωής χαράματα

[Και] Να πορπατεί πα ’κ’ επορεί
κρατεί το παστονόπον
Με το ξερόν κι αδύνατον
το δεξί το χ̌ερόπον

[Και] Τ’ ομμάτι͜α τσιμπλοπρέσκουνταν
και θολωτά τερούνε
[Και] Τ’ ωτία τ’ βαροκάθουνταν
βοούν και παρακούνε

[Και] Γεράματα, γεράματα,
πόνι͜α, φορτούνας, κλάματα
Γεράματα, γεράματα
νέας ζωής χαράματα

[Και] Καμίαν γίνεται βαρύς
και ζούτς σο φέρσιμον ατ’
[Και] Θυμάται τα νεότητα τ’
και κλαίει ας σο καημόν ατ’

[Και] Νασάν τον γέρον πη θα ζει
χωρίς ατά τα πόνι͜α
[Και] Χωρίς τα πικροβάσανα
σα τελευταία χρόνι͜α

[Και] Γεράματα, γεράματα,
πόνι͜α, φορτούνας, κλάματα
Γεράματα, γεράματα
νέας ζωής χαράματα

Γλωσσάρι

Κείμενο	Επεξήγηση	Ετυμ. Ρίζα
ασπρύν’νε	ασπρίζουν
ατά	αυτά
βαροκάθουνταν	βαριοκάθονται, βαραίνουν
γερά	γερνάει
επορεί	μπορεί
ζαροκαμπουροφέρκεται	ζαρώνει, καμπουριάζει
ζούτς	δύστροπος, ανάποδος
’κ’	δεν	οὐκί<οὐχί
καμίαν	ποτέ
κατσία	πρόσωπο, μέτωπο
κρατεί	κρατάει, βαστάει, στέκει, αντέχει
νασάν	χαρά σε
νεότητα	νιότη, νιάτα
ομμάτι͜α	μάτια
όντες	όταν
πα	πάλι, επίσης, ακόμα
παστονόπον	μπαστουνάκι	bastone + -όπον
πη	που
πόνι͜α	πόνοι
πορπατεί	περπατάει
τερούνε	κοιτούν
φορτούνας	τρικυμίες, κακοτοπιές	fortuna
χ̌ερόπον	χεράκι
ωτία	αυτιά