Ο Ματσουκάτες

Προβολή Τραγουδιού

Καλλιτέχνες: Αδάμ Αποστολίδης, Πόλιος Παπαγιαννίδης

expand_content

Ματσουκάτες ο γιοσμάς
όθεν κέσ’ θέλ’, λάσ̌κεται
Όθεν κέσ’ είν’ τ’ έμορφα,
πάει κλωθογυρι͜άσ̌κεται
Είνας αν χολι͜άσ̌κεται,
άλλεν αγκαλι͜άσ̌κεται

Χοροντζ̌έας μερακλής
έμπρου πάει σο χορόν
Όθεν πάει χωρίεται,
κανείς ’κ’ έν’ άμον ατόν
Το ρακίν πολλά αγαπά,
πίνει͜ ατο τη σ̌κύλ’ ο υιόν

Μάτσ̌καλης παιδάς είμαι,
όθεν πάω λέγ’ ατο
Αν ’κι δί’ς με την κουτσ̌ή σ’,
το καλύβι σ’ καίγ’ ατο
Μαναχόν ’κι λέγ’ ατο,
λέγ’ ατο κι ευτάγ’ ατο

Τ’ έμορφα τα κορτσόπα
ντό πολλά αγαπώ ατα!
Κάθουμαι δασ̌κεύ’ ατα,
σην εγκάλια μ’ φέρ’ ατα
Όθεν κέσ’ ελέπ’ ατα,
«αχ! πουλόπα μ’» λέγ’ ατα

Γλωσσάρι

Κείμενο	Επεξήγηση	Ετυμ. Ρίζα
αγκαλι͜άσ̌κεται	αγκαλιάζει, εναγκαλίζεται
άλλεν	άλλη
άμον	σαν, όπως, καθώς	ἅμα
ατα	αυτά
γιοσμάς	κομψός, λεβέντης νέος	yosma
δασ̌κεύ’	κατηχώ/ει
δί’ς	δίνεις
εγκάλια	αγκαλιά
είν’	(για πληθ.) είναι
είνας	ένας/μία
ελέπ’	βλέπει/βλέπω
έμορφα	όμορφα
έμπρου	εμπρός, μπροστά
έν’	είναι
ευτάγ’	κάνω/ει, φτιάχνω/ει	εὐθειάζω
’κ’	δεν	οὐκί<οὐχί
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
κλωθογυρι͜άσ̌κεται	κλωθογυρίζει, γυροφέρνει
κορτσόπα	κοριτσάκια
κουτσ̌ή	κόρη
λάσ̌κεται	περιφέρεται, τριγυρνά, περιπλανιέται	ἀλάομαι/ηλάσκω
μαναχόν	(έναρθρο) μοναχός, μοναχό, (επίρρ) μόνο/μοναχά
όθεν	όπου, οπουδήποτε, σε όποιον
παιδάς	παιδί, νέος άντρας
πολλά	(επίθ.) πολλά, (επίρρ.) πολύ
πουλόπα	πουλάκια
ρακίν	αλκοολούχο ποτό που παράγεται από τη ζύμωση φρούτων ή στεμφύλων φρούτων	rakı/ˁaraḳī
σ̌κύλ’	(γεν.) σκύλου
φέρ’	φέρνω/ει
χολι͜άσ̌κεται	θυμώνει, αγανακτεί
χοροντζ̌έας	που έχει έφεση στο χορό, χορευταράς
χωρίεται	ξεχωρίζει, ξεδιαλέγεται