Η θέσα

Προβολή Τραγουδιού

Καλλιτέχνες: Δημήτρης Παπαδόπουλος, Κυριάκος Τριανταφυλλίδης

Εκίζεψεν η μάνα μου
ντο λάσκουμαι πεκιάρης
«Θα λάσ̌κεσαι αγιαράευτος
ατό θα έν’ το κιάρι σ’»

Τα γενία τα λώματα
γριλεύ’ α̤τα η θέσα
Το πεκιαρλούκ’ να έτον καλόν
όλοι πεκιάρ’ θα έσαν!

Η μαναχ̌ία τρανόν τέρτ’
και έπεϊ βαρύν-ι
Να μη έ͜εις να καληνυχτί͜εις
κάθαν που θα βραδύνει

Τα γενία τα λώματα
γριλεύ’ α̤τα η θέσα
Το πεκιαρλούκ’ να έτον καλόν
όλοι πεκιάρ’ θα έσαν!

Λόγον θα πολεμάς ν’ ακούς
από κάποθεν κέσ’-ι
Θα λες «γιατ’ είμαι μαναχός,
μάνα μ’, αδαπέσ’ κέσ’-ι»

Τα γενία τα λώματα
γριλεύ’ α̤τα η θέσα
Το πεκιαρλούκ’ να έτον καλόν
όλοι πεκιάρ’ θα έσαν!

Γλωσσάρι

Κείμενο	Επεξήγηση	Ετυμ. Ρίζα
αγιαράευτος	άχρηστος	α στερ.+ yarar
αδαπέσ’	εδώ μέσα
γενία	καινούρια	yeni
γριλεύ’	καταστρέφω/ει, αφανίζω/ει
έ͜εις	έχεις
εκίζεψεν	νευρίασε, άναψε, φούντωσε	kızmak
έν’	είναι
έπεϊ	αρκετές/αρκετοί/αρκετά, ένα μεγάλο ποσοστό, ένας μεγάλος αριθμός	epey
έσαν	ήταν
έτον	ήταν
θέσα	σκώρος
κάθαν	κάθε
κάποθεν	από κάπου
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
κιάρι	κέρδος	kâr
λάσ̌κεσαι	περιφέρεσαι, τριγυρνάς, περιπλανιέσαι	ἀλάομαι/ηλάσκω
λάσκουμαι	περιφέρομαι, τριγυρίζω, περιπλανώμαι	ἀλάομαι/ηλάσκω
λώματα	ρούχα	λῶμα/λωμάτιον
μαναχ̌ία	μοναξιά
μαναχός	μοναχός, μόνος
πεκιάρ’	(γεν. αιτ. ενικ.) εργένη, (ονομ. πληθ.) εργένηδες	bekâr/bekār
πεκιαρλούκ’	εργένικη ζωή	bekarlık<bekâr
τέρτ’	καημός, βάσανο, (ονομ.) στενοχώρια	dert