Προβολή Τραγουδιού

Δέβα μάνα

Την Τραπεζούντα εγύρτσα,
τ’ εννέα μαχαλάδες
και για τ’ εμέν ’κ’ ευρέθανε
στραβοί προξενητάδες

Έναν κορτσόπον αγαπώ,
εγώ -ν-, ας σην Κεμέρκα
Επήγα για να παίρ’ ατεν,
ατείν’ εμέν ’κ’ εδώκαν

[Ωφ!] Έναν κι άλλον εγάπεσα,
εγώ -ν-, ας σο Χριστόν -ι
Επήγα για να παίρ’ ατεν,
λένε με «τ’ εσόν ’κ’ έν’ -ι»

Δέβα μάνα, δέβα μάνα,
δέβα κι αλήγορα έλα
Αρ’ εύκαιρος πα μ’ έρχ̌εσαι,
τη νύφεν έπαρ’ κι έλα!

Δέβα, μάνα, σο χωρίον,
πούλτσον τη κυρού μ’ το βίον
Έπαρ’ κι έλα τα παράδες
θ’ αγοράζω μακαράδες
Μακαράδες, βιρβιλίτζ̌ι͜α
για τη χώρας τα κορίτσι͜α

Γλωσσάρι

Κείμενο	Επεξήγηση	Ετυμ. Ρίζα
αλήγορα	γρήγορα
ατείν’	αυτοί
ατεν	αυτήν
βίον	το βιος, το σύνολο των ζωντανών που έχει στην ιδιοκτησία του κάποιος, η περιουσία κάποιου
βιρβιλίτζ̌ι͜α	μπιχλιμπίδια	πιθ. εκ του fırfırlı=δαντελωτό, που έχει σούρες
δέβα	πήγαινε (προστ.)
εγάπεσα	αγάπησα
εγύρτσα	γύρισα
εδώκαν	έδωσαν
έν’	είναι
έπαρ’	πάρε (προστ.)
εσόν	δικός/ή/ό σου
’κ’	δεν	ουκί<οὐχί
κορτσόπον	κοριτσάκι
κυρού	πατέρα
μακαράδες	κουβαρίστρες, μασούρια	makara
μαχαλάδες	γειτονιές	mahalle/maḥalle
νύφεν	νύφη
πα	πάλι, επίσης
παράδες	λεφτά, χρήματα	para/pāre
πούλτσον	πούλησε (προστ.)
χώρας	ξένος/η/ο/οι γενικά, οι/το/τα μη οικείο/α, ξενιτειάς