Προβολή Τραγουδιού
Μαεύ’ς τα παλληκάρα̤ |
Χρήστος ΠαπαδόπουλοςΣτιχουργοί: Χρήστος Παπαδόπουλος
Συνθέτες: Κώστας Σαχινίδης, Κώστας Σιώπης
Καλλιτέχνες: Κώστας Σιώπης, Χρήστος Παπαδόπουλος
Τα παλληκάρα̤ τ’ έμορφα για τ’ εσέναν πονούνε Για τ’ εσέναν τα πουλόπα γλυκέα κελαηδούνε Μαεύ’ς τα παλληκάρα̤ με τα πολλά τα κάλλα̤ Έμορφα τ’ ομματόπα σου άμον μαργαριτάρα̤ Είσαι και -ν- ασπροκόκκινος άμον γάλαν και μήλον Το κουσ̌μέτι σ’ ήντζαν θα έν’ θα πογιατί͜εις κι εκείνον Μαεύ’ς τα παλληκάρα̤ με τα πολλά τα κάλλα̤ Έμορφα τ’ ομματόπα σου άμον μαργαριτάρα̤ Τα μάγ’λα σ’ ολοκόκκινα νασάν πη θα φιλεί σε -ν Νασάν πη έ͜ει σε -ν- εμπροστά τ’ κι ούσνα μερών’ τερεί σε -ν Μαεύ’ς τα παλληκάρα̤ με τα πολλά τα κάλλα̤ Έμορφα τ’ ομματόπα σου άμον μαργαριτάρα̤
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| γλυκέα | (επιρρ.) γλυκά | ||
| έ͜ει | έχει | ||
| έμορφα | όμορφα | ||
| εμπροστά | μπροστά, πρωτύτερα | ||
| έν’ | είναι | ||
| ήντζαν | οποιοσδήποτε, όποιος / οποιονδήποτε, όποιον | ||
| κάλλα̤ | κάλλη | ||
| κουσ̌μέτι | τυχερό, μοίρα, ριζικό | kısmet/ḳismet | |
| μάγ’λα | μάγουλα | magulum | |
| μαεύ’ς | μαγεύεις | ||
| μερών’ | μερώνει, ξημερώνει | ||
| νασάν | χαρά σε | ||
| ομματόπα | ματάκια | ||
| ούσνα | μέχρι που, έως ότου | ||
| παλληκάρα̤ | παλληκάρια | παλληκάριον<πάλληξ, πάλλαξ | |
| πη | που | ||
| πολλά | (επίθ.) πολλά, (επίρρ.) πολύ | ||
| πουλόπα | πουλάκια | ||
| τερεί | κοιτάει |
