Άι! κορτσόπον

Προβολή Τραγουδιού

Συνθέτες: Κώστας Σαχινίδης, Κώστας Σιώπης

Καλλιτέχνες: Κώστας Σιώπης, Χρήστος Παπαδόπουλος

Άι! κορτσόπον και μικρόν,
είσαι πολλά έμορφον
Τα μαλλία σ’ είν’ ξανθά,
τα μάγ’λα σ’ είν’ κόκκινα

Τ’ ομματόπα σ’ πράσινα,
τογραεύ’νε καρδόπα
Τα στομόχ̌ειλα τ’ εσά
έκαψανε παιδία

Τ’ ομμάτα̤ σ’ όνταν τερούνε
κόσμον ατά σταματούνε
Τα χ̌είλα̤ σ’ όνταν γελούνε
οι αγούρ’ ’κι πορπατούνε

Άι! κορτσόπον ζωηρόν,
ασπροκόκκινον, ξανθόν
Είσαι και καματερόν
ήντζαν παίρ’ -τ- σε θα γλυτών’

Άι! κορτσόπον τολμηρόν,
είσαι έμορφον λεγνόν
Το πόι σ’ άμον τ’ εμόν,
τ’ αχουλόπο σ’ έν’ κοντόν

Γλωσσάρι

Κείμενο	Επεξήγηση	Ετυμ. Ρίζα
αγούρ’	νέοι άνδρες
άμον	σαν, όπως, καθώς	ἅμα
ατά	αυτά
αχουλόπο	μυαλουδάκι	akıl/ʿaḳl
είν’	(για πληθ.) είναι
εμόν	δικός/ή/ό μου	ἐμοῦ
έμορφον	όμορφο
έν’	είναι
εσά	δικά σου/σας
ήντζαν	οποιοσδήποτε, όποιος / οποιονδήποτε, όποιον
καρδόπα	καρδούλες
’κι	δεν	οὐκί<οὐχί
κορτσόπον	κοριτσάκι
λεγνόν	λιγνό, λεπτό
μάγ’λα	μάγουλα	magulum
ομμάτα̤	μάτια
ομματόπα	ματάκια
όνταν	όταν
παιδία	παιδιά
παίρ’	παίρνω/ει
πόι	ύψος, μπόι	boy
πολλά	(επίθ.) πολλά, (επίρρ.) πολύ
πορπατούνε	περπατάνε
στομόχ̌ειλα	τα χείλια του στόματος
τερούνε	κοιτούν
τογραεύ’νε	κομματιάζουν	doğramak
χ̌είλα̤	χείλια