Το καλόν και το κακόν

Προβολή Τραγουδιού

Συνθέτες: Κώστας Σαχινίδης, Κώστας Σιώπης

Καλλιτέχνες: Κώστας Σιώπης, Χρήστος Παπαδόπουλος

Σον κόσμον αδά που ζούμε
ντο ευτάμε ’κ’ εγροικούμε
’Χάθεν η ανθρωπία
και επέμ’νεν η κακία

Πας ευτάς έναν καλόν
και -ν- ευρήκ’ς έναν κακόν
’Χάθεν εμπιστοσύνη
η εγάπ’ κι αδελφοσύνη

Μόνον «δος» και όλιον «φέρον»
κι ούλ’ τερούνε το συμφέρον
Το καλόν ούλ’ αγαπούν
να ευτάν’ α’ ’κ’ εγροικούν

Πας ευτάς έναν καλόν
και -ν- ευρήκ’ς έναν κακόν
’Χάθεν εμπιστοσύνη
η εγάπ’ κι αδελφοσύνη

Ούλια αδά σον κόσμον ’ίν’νταν
κι ούλι͜α αδά θα πληρούνταν
Το καλόν να έρ’ται αργίζ’,
το κακόν ξάι ’κι χαρίζ’

Πας ευτάς έναν καλόν
και -ν- ευρήκ’ς έναν κακόν
’Χάθεν εμπιστοσύνη
η εγάπ’ κι αδελφοσύνη

Γλωσσάρι

Κείμενο	Επεξήγηση	Ετυμ. Ρίζα
α’	(ατό) αυτό, το
αδά	εδώ
ανθρωπία	ανθρωπιά
δος	δώσε
εγάπ’	αγάπη
εγροικούμε	καταλαβαίνουμε
εγροικούν	καταλαβαίνουν
επέμ’νεν	απόμεινε
έρ’ται	έρχεται
ευρήκ’ς	βρίσκεις
ευτάμε	κάνουμε, φτιάχνουμε	εὐθειάζω
ευτάν’	κάνουν, φτιάχνουν	εὐθειάζω
ευτάς	κάνεις, φτιάχνεις	εὐθειάζω
’ίν’νταν	γίνονται
’κ’	δεν	οὐκί<οὐχί
’κι	δεν	οὐκί<οὐχί
ξάι	καθόλου
όλιον	όλο, ολόκληρο
ούλ’	όλοι
ούλι͜α	όλα
ούλια	όλα
τερούνε	κοιτούν
φέρον	(προστ.) φέρε
’χάθεν	(εχάθεν) χάθηκε