Προβολή Τραγουδιού

Ανάσπαλον τα βάσανα

Συνθέτες: Κώστας Σαχινίδης, Κώστας Σιώπης

Καλλιτέχνες: Κώστας Σιώπης, Χρήστος Παπαδόπουλος

Ανάσπαλον τα βάσανα,
νούντσον τα περασμένα [γιαρ]
και σπόγγ’σον τ’ ομματόπα σου
μ’ ελέπω δα̤κρωμένα [γιαρ]

Φέρον σο νου σ’ τα παλαιά
χρόνα̤ γαληνεμένα [γιαρ]
Εντάμαν όθεν λάσκουμες
πάντα -ν- αγκαλιασμένα [γιαρ]

Η μοίρα μουν έτον ατό
κι ανήμποροι ξαν είμες [γιαρ]
Σ’ ατέναν αντιστέκομε
όσον κρίμαν κι αν είμες

Γλωσσάρι

Κείμενο	Επεξήγηση	Ετυμ. Ρίζα
ανάσπαλον	ξέχασε (προστ.)
ατέναν	αυτήν
γιαρ	αγαπητός/ή/ό, αγάπη	yâr
δα̤κρωμένα	δακρυσμένα
είμες	είμαστε
ελέπω	βλέπω
εντάμαν	μαζί
έτον	ήταν
λάσκουμες	περιφερόμαστε, τριγυρίζουμε, περιπλανιόμαστε	ἀλάομαι/ηλάσκω
μουν	μας
νούντσον	σκέψου (προστ.)
ξαν	πάλι, ξανά
όθεν	όπου, οπουδήποτε, σε όποιον
ομματόπα	ματάκια
σπόγγ’σον	σκούπισε (προστ.)
φέρον	φέρε (προστ.)
χρόνα̤	χρόνια