Έχω δύο πρόατα

Προβολή Τραγουδιού

Καλλιτέχνες: Γιάννης Καλπατσινίδης, Γιώργος Αμαραντίδης

expand_content

Έχω δύο πρόατα,
πλύνω και χτενίζ’ ατα
Τ’ έμορφα τα κορτσόπα
δάκω και κλαινίζ’ ατα

Έχω δύο πρόατα,
ατά ’κι πουλώ ατα
Κι όντας έρ’ται ο χ̌ειμωγκόν,
σπάζω εγώ και τρώγ’ ατα

Είχα δύο-τρία ζα,
εψόφεσανε κι ατά
Επέμ’νεν η Κερασούντα,
νέ γαστρούται, νέ γεννά

Τ’ αραπάς ι-μ’ το τεκίρ’
στρογγυλά κυλίεται
Σεβνταλής παιδάς είμαι,
Το καρδόπο μ’ λύεται

Γλωσσάρι

Κείμενο	Επεξήγηση	Ετυμ. Ρίζα
αραπάς	άμαξας	araba
ατά	αυτά
ατα	αυτά
γαστρούται	(για ζώα) γκαστρώνεται	ἐγγαστρώνω
δάκω	δαγκώνω
έμορφα	όμορφα
επέμ’νεν	απόμεινε
έρ’ται	έρχεται
εψόφεσανε	ψόφησαν
ζα	ζώα
καρδόπο	καρδούλα
’κι	δεν	οὐκί<οὐχί
κλαινίζ’	στενοχωρώ/εί, κάνω/ει κπ να κλάψει
κορτσόπα	κοριτσάκια
κυλίεται	κυλιέται
λύεται	λιώνει
νέ	ούτε	ne
όντας	όταν
παιδάς	παιδί, νέος άντρας
πρόατα	πρόβατα
σεβνταλής	ερωτοχτυπημένος, ερωτευμένος	sevdalı
σπάζω	σφάζω
τεκίρ’	τροχός	teker
τρώγ’	τρώω
χ̌ειμωγκόν	(ονομ.) χειμώνας, (γεν.) χειμώνα