Ποντιακός Στίχος

Προβολή Τραγουδιού

Κατεβάστε τους στίχους σε PDF

’Κ’ έχ̌’ ομμάτι͜α, ’κ’ έχ̌’ ωτία

Εγώ ποντιοπούλ’ είμαι, τ’ όνομα μ’ έν’ ΗλίαΕγώ ποντιοπούλ’ είμαι, τ’ όνομα μ’ έν’ Ηλία

Στιχουργοί: Γιώργος Αμαραντίδης

Συνθέτες: Γιώργος Αμαραντίδης

Καλλιτέχνες: Γιώργος Αμαραντίδης, Ηλίας Υφαντίδης


Το φίλεμα σ’ μανουσ̌άκ’,
σκουτουλίζ’ άμον τσ̌ιτσ̌άκ’
Απ’ εσέν το τέρεμαν, [πουλί μ’!]
ασ’ εμέν το φίλεμαν

Χα! Τρανόν πελιάν, παιδία,
πώς πάει κι έρ’ται ση σκοτίαν;
’Κ’ έχ̌’ ομμάτι͜α, ’κ’ έχ̌’ ωτία
πώς πάει κι έρ’ται ση σκοτίαν;

Τ’ ομματόπα σ’ έπαιξαν
άμον το χορεύ’ τ’ οψάρ’
[Θα] κρούει και στραβών’ α̤τα [πουλί μ’!]
τη κεμεντζ̌ές / τη Γιωρίκα το τοξάρ’

Χα! Τρανόν πελιάν, παιδία,
πώς πάει κι έρ’ται ση σκοτίαν;
’Κ’ έχ̌’ ομμάτι͜α, ’κ’ έχ̌’ ωτία
και / πώς πάει κι έρ’ται ση σκοτίαν;

Έλα, πασ̌κείμ’ ’κ’ επορείς;
ακόμαν έν’ ενωρίς
Χάραξεν ανατολήν,
φοάται -ν- αληγορεί

Χα! Τρανόν πελιάν, παιδία,
πώς πάει κι έρ’ται ση σκοτίαν;
’Κ’ έχ̌’ ομμάτι͜α, ’κ’ έχ̌’ ωτία
και / πώς πάει κι έρ’ται ση σκοτίαν;

Έμορφος, παντέμορφος
άμον τ’ ήλιονος το φως
Σα μὲσα σ’ τυλίουμαι [ψ̌ήκα μ’]
σην εγκάλια σ’ / σ’ εγκαλιόπο σ’ λύουμαι

Χα! Τρανόν πελιάν, παιδία,
πώς πάει κι έρ’ται ση σκοτίαν;
’Κ’ έχ̌’ ομμάτι͜α, ’κ’ έχ̌’ ωτία
και / πώς πάει κι έρ’ται ση σκοτίαν;
Γλωσσάρι
ΚείμενοΕπεξήγησηΕτυμ. ΡίζαΠροέλευση
αληγορείβιάζεται
άμονσαν, όπως, καθώς ἅμα
ασ’από
εγκάλιααγκαλιά
εγκαλιόποαγκαλίτσα
έμορφοςόμορφος/η
έν’είναι
επορείςμπορείς
έρ’ταιέρχεται
έχ̌’έχει
ήλιονοςήλιου
’κ’δεν οὐκί<οὐχί
κεμεντζ̌έςλύρας kemençe/kemānçe
κρούειχτυπάει κρούω
λύουμαιλιώνω
μανουσ̌άκ’μενεξές/βιολέτα մանուշակ (manušak)<manafšak
μὲσα(τα) η μέση
ομμάτι͜αμάτια
ομματόπαματάκια
οψάρ’ψάρι ὀψάριον<ὄψον
παιδίαπαιδιά
παντέμορφοςπανέμορφη
πασ̌κείμ’μήπως, μήπως (και) πᾶς καί ἔνι
πελιάνβάσανο, σκοτούρα bela
σκοτίανσκοτάδι
σκουτουλίζ’ευωδιάζει, μοσχοβολάει
τέρεμανβλέμμα, κοίταγμα, μτφ. φροντίδα
τοξάρ’δοξάρι
τσ̌ιτσ̌άκ’λουλούδι çiçek
τυλίουμαιτυλίγομαι
φίλεμαφιλί
φίλεμανφιλί
φοάταιφοβάται
χα!να!, ορίστε!, ιδού!
χορεύ’χορεύω/ει
ψ̌ήκαψυχούλα
ωτίααυτιά

Ποντιακός Στίχος - Pontian Lyrics 2025

Τραγούδια: 9577 | Albums/Singles: 1696 | Συντελεστές: 1997 | Λήμματα: 15802
Επικοινωνία: infoDUMMY@pontianlyrics.gr