Τα μάγουλα σ’ να βόσκουμαι

Προβολή Τραγουδιού

Καλλιτέχνες: Θανάσης Στυλίδης, Χρήστος Χαραλαμπίδης

Σύρον απάν’ ι-σ’ το παλτόν,
αρνί μ’, μη παίρ’-τ- σε ο κρύον
Ελέπω τα δουλείας ι-σ’
και γίνουμαι θερίον

Ση κρεβατί’ σ’ το γιάν’ καικά,
σα ποδάρι͜α σ’ μερέαν
ολίγον τόπον ποίσον με,
χ̌έρας γεννημασέαν

Τα μάγουλα σ’ να βόσκουμαι,
τα χ̌είλι͜α σ’ να βουκούμαι
Ση κρεβατί’ σ’ το γιάν’ καικά
να στρώνω και κοιμούμαι

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
βουκούμαι	βάζω μπουκιά στο στόμα, μπουκώνω
γεννημασέαν	γέννημα, γόνος
γιάν’	πλάι, πλευρά	yan
γίνουμαι	γίνομαι
δουλείας	(ονομ. πληθ.) δουλειές, (γεν. ενικ.) δουλειάς
ελέπω	βλέπω
θερίον	θηρίο
καικά	προς τα κάτω, εκεί ακριβώς, κοντά
κοιμούμαι	κοιμάμαι
κρεβατί’	κρεβατιού
μερέαν	μεριά
ολίγον	λίγο
παίρ’	παίρνω/ει
ποδάρι͜α	πόδια
ποίσον	(προστ.) κάνε, φτιάξε	ποιέω, ποιῶ
σύρον	(προστ.) σύρε, τράβα, ρίξε
χ̌έρας	χήρας