Έναν γραμμόπον στείλω σε

Προβολή Τραγουδιού

Καλλιτέχνες: Θανάσης Στυλίδης, Χρήστος Χαραλαμπίδης

Έναν γραμμόπον στείλω σε
γομάτον χ̌αιρετίας
Έμπρι͜α είν’ τα παράπονα
κι οπίσ’ τ’ αροθυμίας

Το πόι σ’ λεγνόν και μακρύν,
ίσον κι άμον ιτέαν
Τ’ οφρύδι͜α σ’ καίγ’νε τον πασ̌άν,
τ’ ομμάτι͜α σ’ βασιλέαν

Το πόι σ’ λεγνόν και μακρύν,
ομοι͜άζ’ την σταλαμίταν
Νασάν που θ’ αγκαλι͜άσ̌κεται,
πουλί μ’ / αρνί μ’, εσέν την νύχταν

Γλωσσάρι

Κείμενο	Επεξήγηση	Ετυμ. Ρίζα
αγκαλι͜άσ̌κεται	αγκαλιάζει, εναγκαλίζεται
άμον	σαν, όπως, καθώς	ἅμα
αροθυμίας	(γεν.) νοσταλγίας, (πληθ.) νοσταλγίες
γομάτον	γεμάτο/η
γραμμόπον	γραμματάκι
είν’	(για πληθ.) είναι
έμπρι͜α	μπροστά
καίγ’νε	καίνε
λεγνόν	λιγνό, λεπτό
νασάν	χαρά σε
ομμάτι͜α	μάτια
ομοι͜άζ’	ομοιάζει, μοιάζει
οπίσ’	πίσω
οφρύδι͜α	φρύδια
πόι	ύψος, μπόι	boy
σταλαμίταν	σταλαγματιά, σταγόνα
χ̌αιρετίας	χαιρετίσματα