Θέρτσον όλιον το τσαΐρ’

Προβολή Τραγουδιού

Καλλιτέχνες: Γιάννης Γκόσιος, Γιώργος Σοφιανίδης

expand_content

Σούκ’, γιαβρόπο μ’, σο ποδάρ’,
χάιτε, ας πάμε σο χωράφ’
Πάμε να θερίζομε
κι επεκεί βορίζομε

Κερεντήν, κερεντήν,
θέρτσον όλιον το τσ̌αΐρ’
Χορταρόπα, χορταρόπα
να τρώγ’νε όλια τ’ αρνόπα

Χωραφόπα, χωραφόπα
απέσ’ κέσ’ σα ρακανόπα
Φύλλα τοπλαεύομε
να τρώγ’νε τα μουσκαρόπα

Κερεντήν, κερεντήν,
θέρτσον όλιον το τσ̌αΐρ’
Χορταρόπα, χορταρόπα
να τρώγ’νε όλια τ’ αρνόπα

Πουλί μ’, δεματίασον
και ας κλώσκουμες σ’ οσπίτ’
Ας αποδουλίζομε
τιδέν μ’ απομέν’ οπίσ’

Κερεντήν, κερεντήν,
θέρτσον όλιον το τσ̌αΐρ’
Χορταρόπα, χορταρόπα
να τρώγ’νε όλια τ’ αρνόπα

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αποδουλίζομε	τελειώνουμε με τις δουλειές/εργασίες
απομέν’	απομένει
αρνόπα	αρνάκια
βορίζομε	λιχνίζουμε, διαχωρίζουμε με λιχνιστήρι τα στάρια από το άχυρο
γιαβρόπο	μωράκι, μικρούλι, παιδάκι	yavru + -όπον
δεματίασον	(προστ.) κάνε δεμάτια
επεκεί	από εκεί, από τότε, ύστερα, κατόπιν
θερίζομε	θερίζουμε
θέρτσον	(προστ.) θέρισε
κερεντήν	κόσσα, μακρυδρέπανο, γεωργικό εργαλείο με το οποίο θερίζεται το τριφύλλι ή άλλο χόρτο, είδος δρεπανιού	գերանդի (gerandi)
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
κλώσκουμες	γυρίζουμε, επιστρέφουμε
μουσκαρόπα	μοσχαράκια
όλια	όλα
όλιον	όλο, ολόκληρο
οπίσ’	πίσω
οσπίτ’	σπίτι	hospitium<hospes
ποδάρ’	πόδι
ρακανόπα	γήλοφοι
σούκ’	(προστ.) σήκω
τιδέν	τίποτα
τοπλαεύομε	μαζεύουμε, συγκεντρώνουμε	toplamak
τρώγ’νε	τρώνε
τσ̌αΐρ’	λιβάδι	çayır
χάιτε	άντε	haydi<hay de (οθωμ.)
χορταρόπα	χορταράκια
χωραφόπα	χωραφάκια

Προβολή Τραγουδιού

Θέρτσον όλιον το τσ̌αΐρ’