Κάθουμαι αναμένω σε

Προβολή Τραγουδιού

Κάθουμαι αναμένω σε
να έρχ̌εσαι, αρνόπο μ’
Η στράτα σ’ ’κ’ έχ̌’ τελεμονήν
και φτιλακίζ’ το ψ̌όπο μ’

Κάθουμαι αναμένω σε
και η σ̌ισ̌έ σο γιάνι μ’
Κι αβάσ̌ι͜α - αβάσ̌ι͜α τραγωδώ,
παρχαρί’ τουτουγιάνι

Κάθουμαι αναμένω σε
και όντες παίρτς σ’ ομμάτι͜α μ’
Ταρχάλι͜α ογρασ̌εύω
να σπογγίζω τα δάκρυ͜α μ’

Άνοιξον τ’ εγκαλιόπο σου,
αρνόπο μ’, ας εμπαίνω
’Τσ̌ουρούεψεν το καρδόπο μ’
εσέναν ν’ αναμένω

Γλωσσάρι

Κείμενο	Επεξήγηση	Ετυμ. Ρίζα
αβάσ̌ι͜α	αργά	yavaş
άνοιξον	(προστ.) άνοιξε
αρνόπο	αρνάκι, χαϊδευτική προσφώνηση γυναίκας
γιάνι	πλάι, πλευρό	yan
εγκαλιόπο	αγκαλίτσα
εμπαίνω	μπαίνω
έχ̌’	έχει
’κ’	δεν	οὐκί<οὐχί
καρδόπο	καρδούλα
ογρασ̌εύω	(αμτβ) πασχίζω, παλεύω	uğraşmak
ομμάτι͜α	μάτια
όντες	όταν
παίρτς	παίρνεις
παρχαρί’	θερινού βοσκότοπου (παρχαριού)
σ̌ισ̌έ	μπουκάλι	şişe/şīşe
σπογγίζω	σκουπίζω
ταρχάλι͜α	αμέσως, μονομιάς	derhal/der (περσ.) + ḥāl (αραβ.)
τελεμονήν	τελειωμό
τουτουγιάνι	το φυτό αμάραντος (Helichrysum stoechas – Ελίχρυσος ο πολύτιμος)	dudiye otu/tutuya
τραγωδώ	τραγουδάω
’τσ̌ουρούεψεν	(ετσ̌ουρούεψεν) σάπισε, αποσυντέθηκε, φθάρθηκε	çürümek
φτιλακίζ’	σπαρταρά, πάλλεται γρήγορα
ψ̌όπο	ψυχούλα