Κορτσόπα τρία-τέσσερα

Προβολή Τραγουδιού

Καλλιτέχνες: Παναγιώτης Κογκαλίδης, Στάθης Πορφυρίδης

Σ’ οσπιτόπο μ’ ολόερα
εφύτρωσαν καφούλια
Εκεί κονεύ’νε κορτσόπα
άμον παρχαροπούλια

Κορτσόπα τρία-τέσσερα
ζογρόν χορτάρ’ θερίζ’νε
Κάθουνταν κι αναπάουνταν
και για τ’ εμέν νουνίζ’νε

Ας έναν κουμούλ’ κορτσόπα
χ̌ιλέμορφον εχώρτσα
Αρ’ έγκε με σην άνοιξην
ας σου εμοθοπώρτσα

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
αναπάουνταν	αναπαύονται, ξεκουράζονται
ας σου	από του, από τότε που/αφότου, από αυτό που
έγκε	έφερε
εμοθοπώρτσα	διένυσα το φθινόπωρο
εχώρτσα	ξεχώρισα, ξεδιάλεξα
ζογρόν	υγρό, χλωρό
θερίζ’νε	θερίζουν
κάθουνταν	κάθονται
καφούλια	θάμνοι	κατάφυλλον<καταφύλλιον<κατ’φούλλιν
κονεύ’νε	εγκαθίστανται, φωλιάζουν, προσγειώνονται (επί πτηνών)	konmak
κορτσόπα	κοριτσάκια
κουμούλ’	σωρός, στοίβα, βουνιά	cumulare
νουνίζ’νε	σκέφτονται
ολόερα	ολόγυρα
οσπιτόπο	σπιτάκι	hospitium<hospes + -όπον
παρχαροπούλια	πουλιά του παρχαριού
χ̌ιλέμορφον	χιλιόμορφο/η
χορτάρ’	χορτάρι