Η σεβντά έν’ αρρώστια

Προβολή Τραγουδιού

Καλλιτέχνες: Μιχάλης Κουρτίδης, Φάνης Κουρουκλίδης

Η σεβντά έν’ αρρώστια,
λαρωμονή ’κι παίρει
Ν’ αηλί που βουρουλεύκεται,
πάντα θα υποφέρει

Η σεβντά έν’ τρανόν πελιάν,
ν’ αηλί τηνάν σουμώνει
Μαραζών’ την καρδίαν ατ’,
το αίμαν ατ’ θολώνει

Το σεβταλούκ’ το έρημον
έχ̌’ τρανά δυσκολίας
Ούσνα θα πετσ̌αρεύ’ς ατο,
ασπρύν’νε τα μαλλία σ’

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
ασπρύν’νε	ασπρίζουν
βουρουλεύκεται	ερωτεύεται παράφορα	vurulmak
έν’	είναι
έχ̌’	έχει
’κι	δεν	οὐκί<οὐχί
λαρωμονή	γιατρειά, θεραπεία
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
ούσνα	μέχρι που, έως ότου
πελιάν	βάσανο, σκοτούρα	bela
πετσ̌αρεύ’ς	καταφέρνεις, αντιμετωπίζεις, τα βγάζεις πέρα	becermek
σεβντά	αγάπη, έρωτας	sevda/sevdā
σεβταλούκ’	έρωτας	sevdalık
σουμώνει	σιμώνει, πλησιάζει
τηνάν	αυτόν/ην που
τρανά	μεγάλα