Ζωή πέει με ντ’ εποίκα σε

Προβολή Τραγουδιού

Καλλιτέχνες: Θεόδωρος Κουρτίδης, Φάνης Κουρουκλίδης

Ζωή, πέει με ντ’ εποίκα σε
κι ατόσα πόνι͜α δί’ς με;
Θέλω να ζω, να χ̌αίρουμαι
κι εσύ πάντα κλαινί͜εις με

Αούτο τ’ εμόν η καρδι͜ά
ντό έχ̌’, τιδέν ’κι λέει
Τα χ̌είλι͜α μ’ λέγ’νε και γελούν
κι ατό -ν- αποπέσ’ κλαίει

Πολλά είπανε για τ’ εμέν,
θαρρώ θα λέν’ ακόμα
Θα πολεμούνε με την ψ̌η μ’
να βάλ’νε με σο χώμαν

Γλωσσάρι

Κείμενο	Επεξήγηση	Ετυμ. Ρίζα
αούτο	αυτό/ή
αποπέσ’	από μέσα
βάλ’νε	βάλουν
δί’ς	δίνεις
εμόν	δικός/ή/ό μου	ἐμοῦ
εποίκα	έκανα, έφτιαξα	ποιέω-ῶ
έχ̌’	έχει
’κι	δεν	οὐκί<οὐχί
κλαινί͜εις	κάνεις κάποιον να κλάψει, στενοχωρείς
λέγ’νε	λένε
πέει	(προστ.) πες
πολλά	(επίθ.) πολλά, (επίρρ.) πολύ
πόνι͜α	πόνοι
τιδέν	τίποτα
χ̌αίρουμαι	χαίρομαι
ψ̌η	ψυχή