Προβολή Τραγουδιού
Γιαβρί μ’, όντες ελέπω σε |
Ασμάτων Ποντίων ΑπάνθισμαΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Ελένη Σαμανίδου, Φάνης Κουρουκλίδης
Γιαβρί μ’, όντες ελέπω σε να πορπατείς ση στράταν Άμον χαλάζ’ τα δα̤κρόπα μ’ κυλίουνταν σ’ ομμάτι͜α μ’ Έλα, πουλόπο μ’, έλα το ψ̌όπο μ’ μη κλαινίζω Έλα, πουλόπο μ’, μετ’ εμέν, άλλο ’κι ταγιανίζω Γιαβρί μ’, όντες ελέπω σε λύουμαι άμον το χ̌ι͜όνι Αμὰν έρ’ται η άνοιξη σο καρδόπον τ’ εμόν-ι Έλα, πουλόπο μ’, έλα το ψ̌όπο μ’ μη κλαινίζω Έλα, πουλόπο μ’, μετ’ εμέν, άλλο ’κι ταγιανίζω Γιαβρί μ’, άμον ντ’ ελέπω σε έρ’ται με να κουίζω Άμον ντωγμένον πουλόπον σ’ εγκαλιόπο σ’ θα ρούζω Έλα, πουλόπο μ’, έλα το ψ̌όπο μ’ μη κλαινίζω Έλα, πουλόπο μ’, μετ’ εμέν, άλλο ’κι ταγιανίζω
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αμὰν | αμέσως, ευθύς, μονομιάς | hemen/hemān | |
| άμον | σαν, όπως, καθώς | ἅμα | |
| γιαβρί | μωρό, μικρό, παιδί | yavru | |
| δα̤κρόπα | (υποκορ.) δάκρυα | ||
| εγκαλιόπο | αγκαλίτσα | ||
| ελέπω | βλέπω | ||
| εμόν | δικός/ή/ό μου | ἐμοῦ | |
| έρ’ται | έρχεται | ||
| έρ’ται με | μου έρχεται, μου φαίνεται | ||
| καρδόπον | καρδούλα | ||
| ’κι | δεν | οὐκί<οὐχί | |
| κλαινίζω | στενοχωρώ, κάνω κπ να κλάψει | ||
| κουίζω | φωνάζω, λαλώ, καλώ κπ ονομαστικά | ||
| κυλίουνταν | κυλιούνται | ||
| λύουμαι | λιώνω | ||
| μετ’ | μαζί με (με αιτιατική), με (τρόπος) | ||
| ντωγμένον | χτυπημένο | ||
| ομμάτι͜α | μάτια | ||
| όντες | όταν | ||
| πορπατείς | περπατάς | ||
| πουλόπο | πουλάκι | ||
| πουλόπον | πουλάκι | ||
| ρούζω | πέφτω, ρίπτω | ||
| ταγιανίζω | αντέχω, βαστάω, υπομένω | dayanmak | |
| χαλάζ’ | χαλάζι | ||
| ψ̌όπο | ψυχούλα |
