Εμέν ας σου εγάπανες

Προβολή Τραγουδιού

Καλλιτέχνες: Γιώργος Ιωαννίδης, Λάζος Ιωαννίδης, Μπάμπης Κεμανετζίδης

Εμέν ας σου εγάπανες
αλλού κέσ’ ντο ετέρ’νες;
Εσύ πα όπως εγροικώ
’κ’ εξέρ’νες ντο εθέλ’νες

Ατά τ’ αλεπότα̤ς ι-σ’
εμέν πουθέν ’κι κρού’νε
Ποίσον ατα σοι παλαλούς
τιδέν που ’κ’ εγροικούνε

Ὰμα τέρεν, μη κλώσ̌κεσαι
κατουσ̌αμέντσα κάτα!
Αρ’ όπως εμαείρεψες
κάθκα, πουλί μ’, και φά’ τα

Ολήγορα/αλήγορα θα στείλω σε
εκεί απόθεν έρθες
Εσύ, μ’ αΐκα κρίματα,
Θεόν πα πώς ’κ’ εγρέθες;

Γλωσσάρι

Κείμενο	Επεξήγηση	Ετυμ. Ρίζα
αΐκα	τέτοια/ες
αλεπότα̤ς	πονηριές, πανουργίες
αλήγορα	γρήγορα
ὰμα	αλλά	ama/ammā
απόθεν	από που, από όπου
ας σου	από του, από τότε που/αφότου, από αυτό που
ατά	αυτά
ατα	αυτά
εγάπανες	αγαπούσες
εγρέθες	αγριεύτηκες, καταβλήθηκες από ανεξήγητο φόβο
εγροικούνε	καταλαβαίνουν
εγροικώ	καταλαβαίνω
εθέλ’νες	ήθελες
εμαείρεψες	μαγείρεψες
εξέρ’νες	ήξερες, γνώριζες
έρθες	ήρθες
ετέρ’νες	κοιτούσες
’κ’	δεν	οὐκί<οὐχί
κάθκα	(προστ.) κάθισε
κάτα	γάτα
κατουσ̌αμέντσα	κατσιασμένη, μαραμένη
κέσ’	εκεί μέσα, προς τα εκεί	κέσου<κεῖσ’<κεῖσε<ἐκεῖσε
’κι	δεν	οὐκί<οὐχί
κλώσ̌κεσαι	γυρίζεις, επιστρέφεις
κρού’νε	χτυπούν	κρούω
ολήγορα	γρήγορα
πα	πάλι, επίσης, ακόμα
παλαλούς	τρελούς
ποίσον	(προστ.) κάνε, φτιάξε	ποιέω, ποιῶ
πουθέν	πουθενά
σοι	στους/στις, τους/τις
τέρεν	(προστ.) κοίταξε
τιδέν	τίποτα
φά’	(προστ.) φάε

Σημειώσεις

Πηγή: Φίλιππος Κεσαπίδης