Πουλί μ’ σο κοιμητήρι μου

Προβολή Τραγουδιού

Καλλιτέχνες: Αλέξανδρος Παρχαρίδης, Γιώργος Σοφιανίδης, Παναγιώτης Θεοδωρίδης, Στάθης Παρχαρίδης

Σον Αδ’ επήγα ετοίμασα
τον τόπον ντο θα κείμαι
Αρνόπο μ’, έλα μετ’ εμέν
αρ’ μαναχόν αγρείμαι

Αρνί μ’, σο κοιμητήρι μου
θέκον απάν’ εικόναν
τον Άγιον Γεώργιον
και τον Άγιον Νικόλαν

♫

Εγώ με ντ’ εμασχάρεψα
κι είπα σε δύο λόγι͜α
Πας̌ κ’ είπα σε, γιαβρόπο μου,
«κάθκα και μοιρολόγα»;

Επαλαλώθεν ο Θεόν
και ντο ευτάει ’κ’ εξέρει
Επέρεν και τσ’ ανθρώπ’ς εμουν
χωρίς να δί’ χαπέριν

Γλωσσάρι

Κείμενο	Επεξήγηση	Ετυμ. Ρίζα
αγρείμαι	αγριεύομαι, καταβάλλομαι από ανεξήγητο φόβο
αδ’	εδώ
ανθρώπ’ς	ανθρώπους
απάν’	πάνω
αρνόπο	αρνάκι, χαϊδευτική προσφώνηση γυναίκας
γιαβρόπο	μωράκι, μικρούλι, παιδάκι	yavru + -όπον
δί’	δίνει
εμασχάρεψα	αστειεύτηκα, διακωμώδησα	maskara/masḫara
εμουν	μας
επαλαλώθεν	τρελάθηκε
επέρεν	πήρε
ευτάει	κάνει, φτιάχνει	εὐθειάζω
θέκον	(προστ.) θέσε, τοποθέτησε, βάλε
’κ’	δεν	οὐκί<οὐχί
κάθκα	(προστ.) κάθισε
κείμαι	κείτομαι, ξαπλώνω
μαναχόν	(έναρθρο) μοναχός, μοναχό, (επίρρ) μόνο/μοναχά
μετ’	μαζί με (με αιτιατική), με (τρόπος)
πας̌	μήπως, μπας και, είναι δυνατόν, μην τύχει (και)	μήν πᾶς
τσ’	(ως τση, άρθρο γεν. ενικού) του/της, (ως τσοι, άρθρο αιτ. πληθ.) τις, (ως ερωτημ. τσί;) ποιός;
χαπέριν	είδηση, μαντάτο	haber/ḫaber