Ποντιακός Στίχος

Προβολή Τραγουδιού

Είπα μα την Παναΐαν!

’Σ σην πλατείαν χορεύ’νε’Σ σην πλατείαν χορεύ’νε

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιώργος Σοφιανίδης, Παναγιώτης Θεοδωρίδης


Πουλί μ’, ποίσον υπομονήν
έναν ξ̌αόπον κι άλλο
Τα γεσιρλούκια ντ’ έσυρες
όλια θα επεβγάλω
Είπα μα την Παναΐαν!

Χάρτσον με έναν τέρεμα σ’,
χάρτσον με έναν γέλος
Πασ̌κείμ’ ντο έν’ με την παράν,
αφορισμένον γένος;
Είπα μα την Παναΐαν!

Εσέν ο Χάρον πα θα παίρ’,
πασ̌κείμ’ εμέναν μόνον;
Αν αγαπάς με κλώσον με
ας σου θανάτ’ το δρόμον
Έφαες με, θ’ αποθάνω!
Γλωσσάρι
ΚείμενοΕπεξήγησηΕτυμ. ΡίζαΠροέλευση
αποθάνωπεθαίνω
ας σουαπό του, από τότε που/αφότου, από αυτό που
αφορισμένοναφορισμένο, αναθεματισμένο
γέλοςγέλιο, περίγελος
γεσιρλούκιακυριολ. δουλεία μτφ. ταλαιπωρίες, κακουχίες esirlik
έν’είναι
έναν ξ̌αόπονλιγουλάκι, μια σταλιά
έσυρεςέσυρες, τράβηξες, έριξες
έφαεςέφαγες
κλώσονγύρισε, στρέψε (προστ.)
όλιαόλα
παπάλι, επίσης, ακόμα
παράνλεφτά, το χρήμα para/pāre
πασ̌κείμ’μήπως, μήπως (και) πᾶς καί ἔνι
ποίσονκάνε, φτιάξε (προστ.) ποιέω, ποιῶ
τέρεμαβλέμμα
χάρτσονχάρισε (προστ.)

Ποντιακός Στίχος - Pontian Lyrics 2024

Τραγούδια: 7872 | Albums/Singles: 1122 | Συντελεστές: 1524 | Λήμματα: 12562
Επικοινωνία: infoDUMMY@pontianlyrics.gr