Καρδόπο μ’ ατεβίρευτον

Προβολή Τραγουδιού

Καρδόπο μ’ ατεβίρευτον
και πώς ετεβιρεύτες;
Ατσ̌ά το τέρτι σ’ ποίον έν’
κι άλλο ’κ’ εκαλατσ̌εύτες;

Εσύ ραχ̌ίν ασάλευτον
ποράν’ ντό έν’ ’κ’ εξέρ’νες
Τα γιουλντουρούμι͜α ερρούζ’νανε
κι εσύ σεΐρ’ ετέρ’νες

Πέ͜ει με, καρδόπο μ’, ντ’ έπαθες,
πέ͜ει μ’ ατο κι ας εξέρω
Ποίος κρατεί το γιατρικό σ’
να ψαλαφώ και φέρω;

Γιάμ’ έν’ τσ’ εγάπ’ς η καμονή
π’ ετσ̌όκεψεν απάν’ ι-σ’;
Πέ͜ει μ’ ατο και μ’ εντρέπεσαι
να ’ίνουμαι γουρπάνι σ’!

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
ατεβίρευτον	που δεν αναποδογυρίζει, αυτό που δεν ανατρέπεται εύκολα	α- στερητικό + devirme
ατσ̌ά	άραγε	acep/ʿaceb
γιάμ’	μήπως, ή μη	ya/yā + μη
γιουλντουρούμι͜α	κεραυνοί	yıldırım
γουρπάνι	θυσία	kurban/ḳurbān
εγάπ’ς	αγάπης
εκαλατσ̌εύτες	μιλήθηκες	keleci=καλός λόγος (Παλαιά Τουρκική Ανατολίας)
έν’	είναι
εντρέπεσαι	ντρέπεσαι
εξέρ’νες	ήξερες, γνώριζες
ερρούζ’νανε	έπεφταν
ετεβιρεύτες	αναποδογύρισες, ανατράπηκες	devirmek
ετέρ’νες	κοιτούσες
ετσ̌όκεψεν	κατέπεσε, επικάθησε, έκλινε υπό το βάρος	çökmek
’ίνουμαι	γίνομαι
’κ’	δεν	οὐκί<οὐχί
καμονή	καημός
καρδόπο	καρδούλα
κρατεί	κρατάει, βαστάει, στέκει, αντέχει
ποίος	(ερωτημ.) ποιός, (αναφ.αντων.) όποιος
ποράν’	μπόρα, καταιγίδα	boran<βενετ. bora<λατ. Boreas <Βορέας (αντιδάνειο)
ραχ̌ίν	βουνό, ράχη
σεΐρ’	θέαμα πρόσφορο για διασκέδαση (τερώ σεΐρ: κοιτώ κάτι παραμένοντας αμέτοχος)	seyir/seyr
τέρτι	καημός, βάσανο, στενοχώρια	dert
τσ’	(ως τση, άρθρο γεν. ενικού) του/της, (ως τσοι, άρθρο αιτ. πληθ.) τις, (ως ερωτημ. τσί;) ποιός;
ψαλαφώ	ζητώ, αιτούμαι