Καλομηνά κεράσια

Προβολή Τραγουδιού

Ας σην Κεπέκ-Κλισά Κερασούντας σα παράλια της Κριμαίας

Καλλιτέχνες: Γιώργος Πουλαντσακλής, Λάμπης Παυλίδης

Φά’ Καλομηνά κεράσ̌ι͜α
και το μοθοπώρ’ σταφύλια
Δεκαέξ’ χρονών κορτσόπον
έπαρ’ και σο στόμα φίλ’ α̤’

Σον καιρόν ατουν τα μήλα
σκαλών’νε και νοστιμεύ’νε
Όπως είναι τα κορτσόπα
κι ύστερα παραδι͜αβαίν’νε

Τη χ̌ειμωγκονί’ να τρως
τα γλυκέα πορτοκάλι͜α
Ατότε απάν’ σο ψύχος
έπαρ’ το κορίτσ’ εγκάλι͜α

Φά’ Καλομηνά κεράσ̌ι͜α
και το μοθοπώρ’ σταφύλια
Δεκαέξ’ χρονών κορτσόπον
έπαρ’ και σο στόμα φίλ’ α̤’

Γλωσσάρι

Κείμενο	Επεξήγηση	Ετυμ. Ρίζα	Προέλευση
α̤’	(α̤τό) αυτό, το
απάν’	πάνω
ατότε	τότε
ατουν	τους
γλυκέα	(επιρρ.) γλυκά
δεκαέξ’	δεκαέξι
εγκάλι͜α	αγκαλιά
έπαρ’	(προστ.) πάρε
Καλομηνά	(γεν.) Μαΐου, μαγιάτικα, (αιτ.) Μάιο
κορτσόπα	κοριτσάκια
κορτσόπον	κοριτσάκι
μοθοπώρ’	φθινόπωρο
νοστιμεύ’νε	νοστιμεύουν
παραδι͜αβαίν’νε	ξεπερνούν, παραφεύγουν, ξεφεύγουν, παραωριμάζουν
σκαλών’νε	αρχινούν, ξεκινούν, εκκινούν ένα έργο/δουλειά
φά’	(προστ.) φάε
φίλ’	(προστ. φιλώ) φίλα, (πληθ. φίλον) φίλοι
χ̌ειμωγκονί’	(γεν.) χειμώνα