Ξανθά τα μαλλία τ’ς

Προβολή Τραγουδιού

Τα ποντιακά των Μίτκα Ιακωβίδη-Κώστα Καραπαναγιωτίδη

Καλλιτέχνες: Κώστας Καραπαναγιωτίδης, Μήτκας Ιακωβίδης

Έμορφον κορτσόπον,
άμον τσ̌ιτσ̌ι͜ακόπον
Ξανθά τα μαλλία τ’ς
και χαμελά

Καλοχτενισμένα,
σ’ ωμία τ’ς συρμένα
Νόστιμα τερεί
και χαμογελά

Εμέν καλατσ̌εύ’ με
κι όλο λαλαχ̌εύ’ με
και σ’ ομμάτι͜α απέσ’
ετέρ’να ’τεν

Καλόν η καρδία τ’ς,
γλυκύν η λαλία τ’ς
κι απέσ’ σ’ εγκαλόπο μ’
εφίλ’να ’τεν

’Γώ ατέν θα παίρω,
σ’ οσπίτι μ’ θα φέρω
Μετ’ ατέν θα χ̌αίρουμαι
την ζωήν

Πάντα χαρεμένα
και αγαπημένα
Εγώ πολλά θ’ αγαπώ ατεν
Εγώ πολλά θ’ αγαπώ ατεν

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς	ἅμα
απέσ’	μέσα
ατέν	αυτήν
ατεν	αυτήν
γλυκύν	γλυκιά/ό
εγκαλόπο	αγκαλιά, αγκαλίτσα
έμορφον	όμορφο
ετέρ’να	κοιτούσα
εφίλ’να	φιλούσα
καλατσ̌εύ’	μιλάω/ει, συνομιλώ/ει, συζητώ/άει	keleci=καλός λόγος (Παλαιά Τουρκική Ανατολίας)
κορτσόπον	κοριτσάκι
λαλαχ̌εύ’	χαϊδεύω/ει, ανατρέφω/ει παιδί με χάδια
λαλία	λαλιά, φωνή
μετ’	μαζί με (με αιτιατική), με (τρόπος)
ομμάτι͜α	μάτια
οσπίτι	σπίτι	hospitium<hospes
παίρω	παίρνω
πολλά	(επίθ.) πολλά, (επίρρ.) πολύ
συρμένα	τραβηγμένα
’τεν	αυτήν
τερεί	κοιτάει
τσ̌ιτσ̌ι͜ακόπον	λουλουδάκι	çiçek
χ̌αίρουμαι	χαίρομαι
χαμελά	χαμηλά
χαρεμένα	χαρούμενα
ωμία	ώμοι