Προβολή Τραγουδιού
Τα μαύρα τα μαλλία σ’ |
Στιχουργοί: Γιώργος Σιδηρόπουλος
Συνθέτες: Γιώργος Σιδηρόπουλος
Καλλιτέχνες: Γιώργος Σιδηρόπουλος, Παναγιώτης Ασλανίδης
Και τα μαύρα τα μαλλία σ’ όντες συρτς ατα σ’ ωμία σ’ τογραεύ’νε την καρδία μ’, σ’ ομμάτι͜α μ’ έρ’ται σκοτίαν Και μικρόν, και μικρόν, παλαλόν, τ’ εμόν αρνίν Τα μαλλόπα ους τα μὲσα σ’, έφαες τ’ εμόν την ψ̌ην Όντας ’βγαίντς ση γειτονίαν τρέχ’νε όλι͜α τα παιδία Τον Θεόν παρακαλώ τύχη να έχω εγώ Και μικρόν, και μικρόν, παλαλόν, τ’ εμόν αρνίν Τα μαλλόπα ους τα μὲσα σ’, έφαες τ’ εμόν την ψ̌ην Θα στείλω σε χ̌αιρετίας και μαζί και την καρδία μ’ Θ’ αποθάνω αν ’κι παίρτς με, πουλόπο μ’, φογούμ’ ’κι θέλτς με -ν- ’Κ’ επορώ, ’κ’ επορώ, ’κ’ επορώ χωρίς εσέν Αν ’κι παίρτς με θ’ αποθάνω το κρίμαν θα έν’ σ’ εσέν
Κείμενο | Επεξήγηση | Ετυμ. Ρίζα | Προέλευση |
---|---|---|---|
αποθάνω | πεθαίνω | ||
ατα | αυτά | ||
εμόν | δικός/ή/ό μου | ἐμοῦ | |
έν’ | είναι | ||
επορώ | μπορώ | ||
έρ’ται | έρχεται | ||
έφαες | έφαγες | ||
θέλτς | θέλεις | ||
’κ’ | δεν | ουκί<οὐχί | |
’κι | δεν | ουκί<οὐχί | |
μαλλόπα | μαλλάκια | ||
μὲσα | (τα) η μέση | ||
ομμάτι͜α | μάτια | ||
όντας | όταν | ||
όντες | όταν | ||
ους | ως, μέχρι | ||
παιδία | παιδιά | ||
παίρτς | παίρνεις | ||
παλαλόν | τρελό | ||
πουλόπο | πουλάκι | ||
σκοτίαν | σκοτάδι | ||
τογραεύ’νε | κομματιάζουν | doğramak | |
τρέχ’νε | τρέχουν | ||
φογούμ’ | φοβάμαι | ||
χ̌αιρετίας | χαιρετίσματα | ||
ψ̌ην | ψυχή | ||
ωμία | ώμοι |