Τ’ αηδόνι μ’

Προβολή Τραγουδιού

Καλλιτέχνες: Γιώργος Σιδηρόπουλος, Παναγιώτης Ασλανίδης

Αηδόνι μ’, γιατί κελαηδείς
σ’ εμόν ση γειτονίαν;
Άμον εξέρτς τα βάσανα
[ωχ!] ντο έχω σην καρδία μ’

Αχ! αηδόνι μ’, αχ! αηδόνι μ’,
ντο κελαηδείς σο μπαλκόνι μ’
Τα χαράματα ’γνεφί͜εις με -ν
ωχ! για να παρηγορείς με -ν
Αχ! Χωρίς να θέλτς κλαινί͜εις με -ν

Εγώ πα άμον εσέν είμαι,
[αχ!] αηδόνι μ’ πονεμένον
Απάν’ σον κόσμον άκλερον,
[ωχ!] η γούλα μ’ ζαρωμένον

Αχ! αηδόνι μ’, αχ! αηδόνι μ’,
ντο κελαηδείς σο μπαλκόνι μ’
Τα χαράματα ’γνεφί͜εις με -ν
ωχ! για να παρηγορείς με -ν
Αχ! Χωρίς να θέλτς κλαινί͜εις με -ν

Αηδόνι μ’, έλα μετ’ εμέν
[ωχ!] μαζί να τραγωδούμε
Αλλάζουμε και την γαϊτά̤ν
[ωχ!] ένα ξα αρ’ ας γελούμε

Αχ! αηδόνι μ’, αχ! αηδόνι μ’,
ντο κελαηδείς σο μπαλκόνι μ’
Τα χαράματα ’γνεφί͜εις με -ν
ωχ! για να παρηγορείς με -ν
Αχ! Χωρίς να θέλτς κλαινί͜εις με -ν

Γλωσσάρι

Κείμενο	Επεξήγηση	Ετυμ. Ρίζα
άκλερον	άκληρο, φτωχό, δύστυχο, ταλαίπωρο
άμον	σαν, όπως, καθώς	ἅμα
απάν’	πάνω
γαϊτά̤ν	μελωδία, μουσική σύνθεση, μουσικός σκοπός	kayde
’γνεφί͜εις	ξυπνάς
γούλα	λαιμός	gula
εμόν	δικός/ή/ό μου	ἐμοῦ
εξέρτς	ξέρεις, γνωρίζεις
θέλτς	θέλεις
κλαινί͜εις	κάνεις κάποιον να κλάψει, στενοχωρείς
μετ’	μαζί με (με αιτιατική), με (τρόπος)
πα	πάλι, επίσης, ακόμα
τραγωδούμε	τραγουδάμε