Κορτσόπον, λάλ’ με

Εσύ το κομμενόχρονον
[Κορτσόπον, λάλει με -ν]
και το χαϊρασίζ’κον
[Λάλ’ με κι ας λαλώ σε]
[Ν’] Ας είχα και ν’ εφίλ’να σε
[Κορτσόπον, λάλει με -ν]
σ’ έναν ορμάν’ ισίζ’κον
[Λάλ’ με κι ας λαλώ σε]

’Μώ σε, παλαλός έν’!
Αούτος ο νέον
λέει με «έλα ας φιλώ σε»

Χάιτε, ας πάμε θερίζομε
[Κορτσόπον, λάλει με -ν]
σα ψηλά τα ραχ̌ία
[Λάλ’ με κι ας λαλώ σε/Φίλ’ με κι ας φιλώ σε]
Μακρά μακρά μη στέκομες
[Κορτσόπον, λάλει με -ν]
σύρομ’ την μαναχ̌ίαν
[’Μώ σε παλαλός έν’/Φίλ’ με κι ας φιλώ σε]

’Μώ σε, παλαλός έν’!
Αούτος ο νέον
λέει με «έλα ας φιλώ σε»

Αφκά ας σα παραθυρόπα σ’
[Κορτσόπον, λάλει με -ν]
αρ’ άμον χτήνον κράζω
[Λάλ’ με κι ας λαλώ σε]
Σον τόπον ντ’ εσυντζ̌αίναμε
[Κορτσόπον, λάλει με -ν]
τερώ κι αναστενάζω
[Φίλ’ με κι ας φιλώ σε]

’Μώ σε, παλαλός έν’!
Αούτος ο νέον
λέει με «έλα ας φιλώ σε»

Έλα κάθκα σα γόνατα μ’,
[Κορτσόπον, λάλει με -ν]
ας πλέκω τα μαλλία σ’
[Λάλ’ με κι ας λαλώ σε]
Ας πλέκ’ ατα ψιλά-ψιλά
[Κορτσόπον, λάλει με -ν]
και σύρ’ ατα σ’ ωμία σ’
[Λάλ’ με κι ας λαλώ σε]

’Μώ σε, θεία, ’μώ σε!
’Μώ σε, παλαλός έν’!
Σ’ έναν βούραν λεφτοκάρυ͜α
λέει με έλα ας φιλώ σε