Προβολή Τραγουδιού
Η κορώνα κρα-κρα |

Στιχουργοί: Παραδοσιακό
Συνθέτες: Παραδοσιακό
Καλλιτέχνες: Δημήτρης Αλεξανδρίδης, Ισαάκ Τηλικίδης
Έλα, πουλί μ’, ας σα μακρά, [Γιαρ, γιαρ, γιαρ, αμάν] έλα ας σην ξενιτείαν [Η κορώνα «κρα, κρα»] έλα ας σην ξενιτείαν [Η σεβντά μ’ έν’ σα μακρά] Έλα και αναμένω σε [Γιαρ, γιαρ, γιαρ, αμάν] να λαρώντς την καρδία μ’ [Η κορώνα «κρα, κρα»] [Και] να λαρώντς την καρδία μ’ [Η σεβντά μ’ έν’ σα μακρά] Η κορώνα «κρα, κρα, κρα» Η σεβντά μ’ έν’ σα μακρά Έλα, σεβντά μ’, χαμελά το καρδόπο μ’ ας γελά Έλα, πουλί μ’, ας σα μακρά, [Γιαρ, γιαρ, γιαρ, αμάν] μ’ ευτάς με κι αναμένω [Η κορώνα «κρα, κρα»] [Και] μ’ ευτάς με κι αναμένω [Η σεβντά μ’ έν’ σα μακρά] Αν λες με πως ’κι θα ’ρχεσαι [Γιαρ, γιαρ, γιαρ, αμάν] σον τόπον θ’ απομένω [Η κορώνα «κρα, κρα»] [Και] σον τόπον θ’ απομένω [Η σεβντά μ’ έν’ σα μακρά] Η κορώνα «κρα, κρα, κρα» Η σεβντά μ’ έν’ σα μακρά Έλα, σεβντά μ’, χαμελά το καρδόπο μ’ ας γελά Έλα και αναμένω σε, [Γιαρ, γιαρ, γιαρ, αμάν] το καρδόπο μ’ ελύεν [Η κορώνα «κρα, κρα»] [Και] το καρδόπο μ’ ελύεν [Η σεβντά μ’ έν’ σα μακρά] Άλλο εμέν μη τυραννί͜εις, [Γιαρ, γιαρ, γιαρ, αμάν] η χρά μ’ όλον εκχ̌ύεν [Η κορώνα «κρα, κρα»] [Και –ν-] η χρά μ’ όλον εκχ̌ύεν [Η σεβντά μ’ έν’ σα μακρά] Η κορώνα «κρα, κρα, κρα» Η σεβντά μ’ έν’ σα μακρά Έλα, σεβντά μ’, χαμελά το καρδόπο μ’ ας γελά Έλα και αναμένω σε, [Γιαρ, γιαρ, γιαρ, αμάν] πουλόπο μ’, χρόνια τρία [Η κορώνα «κρα, κρα»] [Και] πουλόπο μ’, χρόνια τρία [Η σεβντά μ’ έν’ σα μακρά] Αν κάτ’ παθάνω για τ’ εσέν [Γιαρ, γιαρ, γιαρ, αμάν] θα έ͜εις την αμαρτίαν [Η κορώνα «κρα, κρα»] [Και] θα έ͜εις την αμαρτίαν [Η σεβντά μ’ έν’ σα μακρά] Η κορώνα «κρα, κρα, κρα» Η σεβντά μ’ έν’ σα μακρά Έλα, σεβντά μ’, χαμελά το καρδόπο μ’ ας γελά
Κείμενο | Επεξήγηση | Ετυμ. Ρίζα | Προέλευση |
---|---|---|---|
γιαρ | αγαπητός/ή/ό, αγάπη | yâr | |
έ͜εις | έχεις | ||
εκχ̌ύεν | εκχύθηκε, χύθηκε, εξέρρευσε | εκχύνω<ἐγχέω< ἐν + χέω | |
ελύεν | λύθηκε, έλιωσε | ||
έν’ | είναι | ||
ευτάς | κάνεις, φτιάχνεις | εὐθειάζω | |
καρδόπο | καρδούλα | ||
’κι | δεν | οὐκί<οὐχί | |
κορώνα | (ή κορόνα) κουρούνα, μτφ. προσφώνηση γυναίκας (για γυναίκα που χήρεψε), μτφ. καημένη | κορώνη | |
λαρώντς | γιατρεύεις, θεραπεύεις | ||
μακρά | (επιρρ.) μακριά, (επιθ.) μακρινά, απομακρυσμένα | ||
παθάνω | παθαίνω | ||
πουλόπο | πουλάκι | ||
σεβντά | αγάπη, έρωτας | sevda/sevdā | |
τυραννί͜εις | τυραννάς, ταλαιπωρείς | ||
χαμελά | χαμηλά | ||
χρά | χροιά, το χρώμα του δέρματος |