Εμορφίας κουρφίσματα

Προβολή Τραγουδιού

Καλλιτέχνες: Άγγελος Σελβιαρίδης, Ισαάκ Τηλικίδης

expand_content

Όντες φορεί και αναλλάζ’
και ση στράταν εμπαίνει
Εθαρρείς ας σον ουρανόν
άγγελος κατεβαίνει

Όντες φορείς και αναλλά͜εις
και χτενί͜εις τα μαλλία σ’
Λέω να γίνουμαι άγγελος
να κείμαι απέσ’ σα ψ̌ήα σ’

Όντες φορείς και αναλλά͜εις
τα σοκάκια γελούνε
Ση στράταν π’ απαντούνε σε
κλώσκουν οπίσ’ τερούνε

Όντες φορείς και αναλλά͜εις
τα σοκάκια φωτάζ’νε
Σον κόσμον έμορφοι πολλοί
εσέν κανείς ’κι ομοι͜άζ’νε

Γλωσσάρι

Κείμενο	Επεξήγηση	Ετυμ. Ρίζα
αναλλά͜εις	φοράς τα καλά/γιορτινά σου ρούχα
αναλλάζ’	φοράει τα καλά/γιορτινά ρούχα
απαντούνε	συναντούν
απέσ’	μέσα
γίνουμαι	γίνομαι
εθαρρείς	θαρρείς, νομίζεις, υποθέτεις
έμορφοι	όμορφοι/ες
κείμαι	κείτομαι, ξαπλώνω
’κι	δεν	οὐκί<οὐχί
κλώσκουν	γυρίζουν, επιστρέφουν
ομοι͜άζ’νε	ομοιάζουν, μοιάζουν
όντες	όταν
οπίσ’	πίσω
τερούνε	κοιτούν
φωτάζ’νε	φωτίζουν, λάμπουν
χτενί͜εις	χτενίζεις
ψ̌ήα	ψυχές, η περιοχή του στέρνου, τα εσώψυχα