Ο φέγγον Ματσουκάτες έν’

Προβολή Τραγουδιού

Καλλιτέχνες: Γιώργος Αμαραντίδης, Κωνσταντίνος Κοργιανίδης

Ο φέγγον Ματσουκάτες έν’,
εξέρ’ ας σο τερτόπο μ’
Όντες βραδύν’ ευτάει με φως
και πάω με τ’ αρνόπο μ’

Έλα, τρυγόνα μ’, μετ’ εμέν
ποίσον τα μαντζιρ’κά σ’
Πόσον κι άλλον θα κάθεσαι,
πουλί μ’, σα γονικά σ’;

Θεού χαράμ’ θα ’ίνουμαι
θα μπαίνω σο καρδόπο σ’
Νασάν εκείνον που μερών’
σο γλυκύν τ’ εγκαλιόπο σ’

Κοπάδι͜α αιγίδι͜α, πρόατα
βοούνε τα ραχ̌ία
Κι εγώ, τρυγόνα μ’, έρημος
σύρω τη μαναχ̌ίαν

Εσύ είσαι τσ’ ανατολής
το λαμπερόν το άστρον
Θα σύρω και σαρεύω σε
απέσ’ σ’ εμόν το κάστρον

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αρνόπο	αρνάκι, χαϊδευτική προσφώνηση γυναίκας
βραδύν’	βραδιάζει
γλυκύν	γλυκιά/ό
εγκαλιόπο	αγκαλίτσα
εμόν	δικός/ή/ό μου	ἐμοῦ
έν’	είναι
εξέρ’	ξέρω/ει, γνωρίζω/ει
ευτάει	κάνει, φτιάχνει	εὐθειάζω
’ίνουμαι	γίνομαι
καρδόπο	καρδούλα
μαναχ̌ίαν	μοναξιά
μαντζιρ’κά	γαλακτοκομικά προϊόντα	macun
μερών’	μερώνει, ξημερώνει
μετ’	μαζί με (με αιτιατική), με (τρόπος)
νασάν	χαρά σε
όντες	όταν
ποίσον	(προστ.) κάνε, φτιάξε	ποιέω, ποιῶ
πρόατα	πρόβατα
ραχ̌ία	ράχες, βουνά
σαρεύω	τυλίγω, περικυκλώνω, εναγκαλίζομαι μτφ. αρέσκομαι σε	sarmak
σύρω	σέρνω, τραβώ, ρίχνω
τερτόπο	καημό, βάσανο, στενοχώρια	dert + -όπον (υποκορ.)
τρυγόνα	το πουλί τρυγόνι, χαϊδευτική προσφώνηση γυναίκας
τσ’	(ως τση, άρθρο γεν. ενικού) του/της, (ως τσοι, άρθρο αιτ. πληθ.) τις, (ως ερωτημ. τσί;) ποιός;
φέγγον	φεγγάρι
χαράμ’	χαράμι, κάτι που δεν έχει τελικά όφελος ή αποτέλεσμα	haram/ḥarām