Τραγούδι του χορού - χοροντικόν ή Τικ

Αναθεμά και τα μακρά
όθεν ’κι πάει λαλίαν
Τ’ ομμάτι͜α μ’ εσκοτείνεψαν 
ας σην αροθυμίαν

Φά’ με, Φασουλίτσα μ’, φά’ με,
ρίζα μ’, για τ’ εσέν θα χάμαι
Η ώρα τρία τη νυχτός,
εμείς πα πού θα πάμε;

Αναθεμά και μακρά
και τ’ απιδεβασέας
Σην εγκάλια σ’ ενέσπαλα
ντο έμ’νε ξενιτέας

Φά’ με, Φασουλίτσα μ’, φά’ με,
ρίζα μ’, για τ’ εσέν θα χάμαι
Η ώρα τρία τη νυχτός
κι εμείς πα πού θα πάμε;

Αναθεμά και τα μακρά,
πουλί μ’, τα μαύρα ξένα
Ξερόν ψωμίν ας έτρωγα
κι ας έμ’νε μετ’ εσένα

Φά’ με, Φασουλίτσα μ’, φά’ με,
ρίζα μ’, για τ’ εσέν θα χάμαι
Η ώρα τρία τη νυχτός,
[κι] εμείς πα πού θα πάμε;